1
以前讀書喺南山村食完飯之後，都會食雪糕，C+屋絕對係我嘅首選。因為佢價錢平，好食，份量多，老闆又好人。
之前睇新聞，見到C+屋上報紙，老闆講返佢自己背景同埋開雪糕屋嘅初衷，都幾感動，都有幸自己同C+屋有緣份。
所以，今日特登返嚟石硤尾去食下佢。
咁耐無番黎，佢搬左係平台最尾果度，而雪糕只係加左一蚊。($5->$6) 不過，佢雪糕種類多左好多，有玄米茶、海鹽等等既味道，老闆娘仲sell我黑糖珍珠奶茶味添！
不過我都係叫番曲奇同vanilla 味既雪糕，總共$12。
我見老闆娘杯雪糕既時候，同以前老闆一樣，每杯完一球，再杯多少少補上果球，等學生食多啲！見到真係所有回憶都番黎了！希望依類小店長做長有啦！
