Bellevue Bar and Grill (已結業)

難得今日星期六放假，出咗去旺角行街，仲book咗一間高級的樓上西餐廳同女朋友食。今日天氣麻麻地，但身處23樓用餐仍然都見到美麗的石屎森林景色。我就叫咗一個set lunch，安格斯牛肉漢堡伴香辣薯角，配合餐湯同餐包。今日嘅餐湯係蕃茄忌廉湯，蕃茄味非常濃郁，質感口感剛剛好，再用湯點埋個餐包真係非常之好食。另外安格斯牛肉漢堡分量十足，牛肉煮得非常鮮嫩，厚實，再配合埋香口而不太油膩嘅薯角，難怪有頂廚師冇喺餐牌上作為推薦菜。女朋友就嗌咗一個意式香草燴海鮮伴奶油薯蓉，再配合牛油果醬吞拿魚沙律。沙律十分之新鮮，除咗有沙律菜之外，亦都有黃色同紅色蕃茄仔，再配合牛油果醬，作為前菜真係十分開胃。繪海鮮非常之鮮甜，魷魚爽口，鮮蝦爽彈，青口都好夠厚肉，配上帶有牛油香氣嘅薯蓉，分量而言，女生都非常足夠。