派格餐廳 (已搬遷) 新店位置

今晚係大韓民國對壘阿根廷，哈韓一族的我當然要睇啦...於是約了一班朋友仔一齊睇波...我係Openrice找到一間可以睇波的樓上Cafe...所以Book了呢間Cafe...餐廳內的職員說英文的，很有外國feel...呢間cafe裝修全部用木，感覺很warm...而佢的menu特別為世界盃而設，分有黃牌飲品、紅牌薄餅等等的名稱。可是Menu大大，但食物的size真的很細，我相信叫套餐會抵食好多。我們叫了"巴西炸雞寶"、" 英格蘭魚柳及薯條"、"意大利雲吞"、"阿根廷雞翼"、"自製牛肉闊條麵"、"Pizza"等等...但是食物份量真係很細，意大利雲吞只有五粒，我們六個人都唔夠分....而且味道只是一般。巴西炸雞寶的份量也很少，而且味道同麥當努的麥樂雞無分別....比較好一點的係Pizza及牛肉闊麵，起碼大家都可以分到一塊。再者，呢度的螢幕及音响麻麻，所以睇得唔係太舒服。可是呢度睇波都有點氣氛，因為有入球或一些緊張位時，在場的人都會高昂。