更多
2018-09-27
380 瀏覽
今日是我的悠長大假的第一天，平時都係老公接我收工，今日要去銅鑼灣接他收工給他一個驚喜。老公好開心，我仲陪佢喺希慎廣場shopping，行到攰，係時候坐低食餐飯，望一望水牌，發現有好多餐廳選擇，真係眼花撩亂，突然看見名館兩字，醒起朋友話明館好食，不再多想，直接前往名館。位於14樓嘅名館，裝潢新穎，地方闊落，位多但不侷促，尤其喜歡雙人座位的窗口位，景觀一流。Menu既設計非常出色，走中國風路線，古色古香，令人滿有期待打開看看。首先先來冷盤 ~ 胡麻醬鮮淮山($52)淮山爽而無渣，配合風味醇厚既胡麻醬，在這炎炎夏日，食此冷盤，份外醒胃。再來一個點心 ~ 銀湖天鵝酥($58)造型非常別緻美觀，其高貴、優雅，美麗既形象，尤其會得到女士及小孩既歡喜 ; 內餡更是現流行既紫薯蓉，未食之前，影咗好多張相放上社交平台，絕對係會俾like的，當我一啖咬下，口感酥脆，香甜味美。前菜也要一個 ~ 紅燒嫩滑妙齡鴿($58)妙齡鴿表皮香脆，醃得入味，肉質嫩滑多汁，細細隻，啱晒我兩口子。小菜當然唔少得 ~ 蜂蜜柚子蝦球($88)蝦球飽滿彈牙，炸得金黄，色澤亮麗，香脆怡人，味道清新酸甜，而且柚子蜜有豐富營養及美容功效
老公好開心，我仲陪佢喺希慎廣場shopping，行到攰，係時候坐低食餐飯，望一望水牌，發現有好多餐廳選擇，真係眼花撩亂，突然看見名館兩字，醒起朋友話明館好食，不再多想，直接前往名館。
位於14樓嘅名館，裝潢新穎，地方闊落，位多但不侷促，尤其喜歡雙人座位的窗口位，景觀一流。
Menu既設計非常出色，走中國風路線，古色古香，令人滿有期待打開看看。
首先先來冷盤 ~ 胡麻醬鮮淮山($52)
淮山爽而無渣，配合風味醇厚既胡麻醬，在這炎炎夏日，食此冷盤，份外醒胃。
再來一個點心 ~ 銀湖天鵝酥($58)
造型非常別緻美觀，其高貴、優雅，美麗既形象，尤其會得到女士及小孩既歡喜 ; 內餡更是現流行既紫薯蓉，未食之前，影咗好多張相放上社交平台，絕對係會俾like的，當我一啖咬下，口感酥脆，香甜味美。
前菜也要一個 ~ 紅燒嫩滑妙齡鴿($58)
妙齡鴿表皮香脆，醃得入味，肉質嫩滑多汁，細細隻，啱晒我兩口子。
小菜當然唔少得 ~ 蜂蜜柚子蝦球($88)
蝦球飽滿彈牙，炸得金黄，色澤亮麗，香脆怡人，味道清新酸甜，而且柚子蜜有豐富營養及美容功效，完全係無得輸既菜式。
見隔離枱要了一個非常別緻嘅泡飯，我們也叫了一個 ~ 私房金黃球泡飯($68)
所謂"金黄球"係將圓形狀既飯炸至金黄，並放於鮮甜既魚湯內，用蠟燭燒熱盛載湯碗，並保持熱度，呈上客人面前，當整散金黄球時，混合魚湯內既粟米、蕃茄、蠶豆、肉碎、香葱，每食一口，都豐盛圓滿，食到飯焦時，那種煙韌口感，更是過癮。
最後是甜品 ~ 懷舊蛋散($30)
質感非常鬆脆，糖漿適量，甜度剛好。
名館每位侍應都有禮待客，勤快換碟，適當時候加茶，還會留意客人需要，好helpful。
今餐不但食得開心又滿足，有些菜式更令我兩口子覺得驚喜，例如 銀湖天鵝酥、私房金黃球泡飯，好想快D再來品嚐過。
銀湖天鵝酥
$58
43 瀏覽
0 讚好
0 留言
私房金黃球泡飯
$68
32 瀏覽
0 讚好
0 留言
張貼
