鏞鏞．藝嚐館

前幾日同朋友特登入太古坊，去 ArtisTree 睇展覽。睇完當然係搵個地方坐低，食餐好啲嘅，唔想求其食個快餐。
見到「鏞鏞」裝修幾靚仔，又夠靜，啱晒我哋一路食一路傾計。陳醋海蜇頭好開胃，海蜇夠爽脆，個陳醋汁酸咪咪，即刻醒神。黃金大蝦球外層炸得夠薄脆，啲鹹蛋黃起晒沙，均勻咁包住隻大蝦，蝦肉又夠爽彈，好惹味！XO醬爆花豚肉鑊氣十足，花豚肉（即係豬頸肉）炒得好香口，XO醬又唔會太辣，啱啱好。食咁多香口嘢，點都要個蔬菜平衡下，瑤柱扒冬瓜啲冬瓜炆到好腍，索晒瑤柱嘅鮮甜味，好正。
基本上啲菜全部好有水準，環境又舒服，作為一個 "Art Day" 嘅結尾，呢餐飯絕對係 perfect match。