影片
更多
2019-09-26
63 瀏覽
呢一年到訪過的日本餐廳確喺唔少啦，然而由年頭到九月都未試過專做「廚師發辦」（Omakase）的日本高級壽司店。今晚就黎到係灣仔UO n享受刺身、壽司及創作日本料理的「鮨」味，享受一餐美味及藝術結合的體驗。餐廳佔商廈整整一層，地方都唔細。一出電梯就門關，入到去右手邊就係L型壽司吧枱，全場最搶手位就係呢到，可以直接睇到師傅的手勢。環境整體予人有氣派而不俗套，餐廳樓底高, 有空間感，左手近窗一邊就卡位枱，再走入少少有廂房, 人多人少黎都得。店員都好貼心，會主動拉凳比客人就座。而且枱上擺設、餐具都精緻優雅。 甫坐下店員端來不同款式的玻璃杯，可選一款來襯托櫻花茶, 先暖暖胃。喝過熱茶, 店員又送上一杯蘋果汁清酒, 清新一下。 牛油果他他 整晚的omakase 以牛油果他他開始, 牛油果他他打成蓉後與wasabi混和, 再加入三文魚和吞拿魚，清新而不覺嗆，黏滑細膩，好有趣嘅組合。 煙燻鴨胸伴鵪鶉蛋 食日本菜其中一個亮點就係欣賞賣相，唔使講呢度煙燻鴨胸伴鵪鶉蛋一睇就知精緻，店員一打開蓋就係帶有煙燻味的煙, 擺放勁立體, 煙燻嘅香味令鴨胸更有個性, 認真賞心又悅目。 豆腐醬伴水蜜桃 水
餐廳佔商廈整整一層，地方都唔細。一出電梯就門關，入到去右手邊就係L型壽司吧枱，全場最搶手位就係呢到，可以直接睇到師傅的手勢。
環境整體予人有氣派而不俗套，餐廳樓底高, 有空間感，左手近窗一邊就卡位枱，再走入少少有廂房, 人多人少黎都得。店員都好貼心，會主動拉凳比客人就座。而且枱上擺設、餐具都精緻優雅。
甫坐下店員端來不同款式的玻璃杯，可選一款來襯托櫻花茶, 先暖暖胃。喝過熱茶, 店員又送上一杯蘋果汁清酒, 清新一下。
牛油果他他
整晚的omakase 以牛油果他他開始, 牛油果他他打成蓉後與wasabi混和, 再加入三文魚和吞拿魚，清新而不覺嗆，黏滑細膩，好有趣嘅組合。
煙燻鴨胸伴鵪鶉蛋
食日本菜其中一個亮點就係欣賞賣相，唔使講呢度煙燻鴨胸伴鵪鶉蛋一睇就知精緻，店員一打開蓋就係帶有煙燻味的煙, 擺放勁立體, 煙燻嘅香味令鴨胸更有個性, 認真賞心又悅目。
豆腐醬伴水蜜桃
水蜜桃味道本身就好清甜, 水蜜桃再灑上松子仁, 再加少許幼滑濃厚的豆腐醬，時令水果與創新料理的配搭, 令到水蜜桃一啲都唔單調。。
海帶水
中間過場係海帶水, 小杯內係海帶, 岩鹽同水, 用黎過埸準備食下一道菜
刺身
鱸魚、甜蝦、帶子、油甘魚刺身、海藻
帶子刺身
帶有爽口的口感, 大粒厚肉
甜蝦刺身
形態極靚, 味道依然好鮮，
鱸魚
一睇就覺得幾高質，鱸魚被切成幾乎透明既薄片，魚肉清甜, 入口即溶, 好有魚味
油甘魚刺身
一撮紅紋喺其標記，色澤粉嫩，放入口, 油甘魚柔嫩細膩，甚有魚香。
海藻
海藻一小碟擺得頗精緻，初頭以為係魚子醬，咬落試真D 味道又好似唔多似，再咬耐陣，原來是以海藻製成的仿魚子, 內裡充滿水份, 用味醂調味, 3色都搶眼突出。店主的意識是支持可持續發展, 所以創作出這款料理。
蝦醬豉油
不得不提的是蝦醬豉油,濃郁的蝦醬混和豉油, 用黎點刺身讓各種的刺身味道更上一層樓。
羊肉湯
羊肉湯煮好後再放在壺裡加熱, 加熱後的羊肉湯受熱向上滖, , 像在做experiment 一樣, 羊肉湯能沾到上方的木魚花, 讓湯帶有木魚的香味而不會過肥。羊肉湯清香, 而羊肉肉質嫩滑 , 飲點湯，暖意下肚，感覺舒服。
「牛肉乾」牛肉漢堡
接住上場喺一道設計有心思的「牛肉乾」牛肉漢堡, 「牛肉乾」是以吃得落肚的紙製作, 牛肉漢堡有肉香，又富肉汁，加埋「牛肉乾」食落唔會太膩，口感豐富，
燒鰻魚迷你飯
有驚喜! 層面皮勁脆, 有D似薯片tim! 而佈裡肉質柔滑，滋味無窮。
菠蘿沙冰
金黃的菠蘿沙冰, 啜一啖菠蘿味突出，酸中帶甜
壽司
日本薑片係食壽司之用，伴碟另有脆口醃黃瓜
壽司逐件逐件上碟，一邊食，師傅一路介紹！
牡丹蝦豆腐紙壽司；
造型特別，以載著牡丹蝦的是豆腐紙, 比紫菜厚身, 雖然豆味並不太濃, 但色彩繽紛, 牡丹蝦肉質黏黏咃卻又有啲爽身，成舊壽司都顏值高，質素好。
白菜咸魚(馬友)壽司(件豆腐醬)
因應社會處境, 師傅的概念是不忘獅子山下拼搏的精神, 故創作此壽司,
白菜包著燒過的馬友, 咸鮮帶燒過的味道, 正正是咸魚白菜也好好味！
鵝肝壽司
鵝肝低溫以whisky烹調, 有濃濃的酒香, 另因鵝肝是軟的, 故以脆口的飯焦取代壽司飯, 一軟一脆口感層次豐富。
吞拿魚他他壽司
最後一款也是一軟一脆口感的壽司: 吞拿魚他他壽司，酥脆春卷皮伴以辣吞拿魚蓉，跟食普通吞拿魚刺身的另一種體驗。
甜品
香蕉膠原魚鱗啫喱
有機香蕉是由店主自己種的, 打成果醬後清甜軟滑, 而jelly 由以魚鱗煮成, 晶瑩通透又可持續發展!
提子汁梳打
最後是提子汁梳打, 少少甜為這道omakase作完美的ending~~
食廚師發辧的精粹是與廚師交流, 親眼睇住師傅逐道逐道菜慢慢做, 要有心理準備慢慢品嚐。今晚所品嚐的食材，有不少也是平常少見心機菜，勁有大開眼界的感覺。
張貼
