更多
2015-11-17
574 瀏覽
是日到觀塘工作,心血來潮走入華漢。華漢算是我童年的蒲點,每次放學都會入去醫一醫肚,又或者放lunch都會約埋三五知己食個快餐。今次唯獨唔同既係,我著住一身西裝自己一個走入去食。火腿炒蛋依夠香滑,沙爹牛麵依夠有香濃既沙爹味。伙記依舊用心服務,當年既太子爺都變左一個成年人。變的是價錢,以前出前一丁係唔使額外加錢既。不過有一樣野係錢買唔到既係情懷:舊式的裝修,不變的港式味道,人與人之間的人情味,可能係用幾多錢都買唔到既事。踏出門口,除左肚皮滿足外,仲有埋心理上既滿足。我諗大家心目中都會有一間屬於自己的茶餐廳,大家記住都要多多支持返佢地。
張貼