九重鮮 (已結業)

同朋友慶生揀左呢間餐廳食海鮮塔，成間餐廳雖然都有其他韓式食物點，但見枱枱都係點塔。海鮮塔有三款揀，我地揀左中間價位的首爾塔。食物質素對得起個價，海鮮款式多，好過自己買黎整。店員知我地第一次食拎左張教學俾我地睇，原來食海鮮塔都咁有學問，時間的掌控好緊要。因為頭兩層要5分鐘食一層，桌面上已經有一個漏斗比我地計5分鐘，真係幾貼心。個塔真係好高，上面有個溫度計，等到80度就可以食得第一層，店員時不時都會幫我地睇下食得未。第一層係蟶子同象拔蚝，一開蓋d海水味好正，食落好嫩同爽口。第二層係元貝，要食到真正的味道我都係覺得唔點醬好。第三層係蝦，每人三隻都幾夠食。第四層係北寄貝同龍躉，我曼鍾意食個龍躉魚，口感同鮮味都超好，但太細塊魚了，第五層係大蚝同花蛤，第六層係蟹同青口，第七層係鮑魚同甜薯，個甜薯真係好林甜，完全好食過鮑魚，我覺得甜薯係必食!!!!第八層係海螺，食到呢層我已經好飽了，但我最期待的粥呀!!!一定要食嫁!上面咁多層的精華都去哂個粥，好甜，加上我地叫左魚湯底，真係完完全全海鮮粥每人埋單大約$450，大時大節一齊黎食下真係唔錯！