我哋係真金白錢俾錢去食。唔知點解會俾人話我呢篇食評係有問題，叫我修改
終於等到佢地裝修完，立即再去試下。今次有朋友移民，臨走前想再食多次南海一號。因為我哋要求坐海景位，
所以有每位600嘅最低消費。不過其實好易就會達標。
今晚我地叫左14樣嘢，每樣都非常好味，冇令我哋失望。當然服務亦非常好。
而我就最鍾意佢地嘅蜜鱔同倉魚，
非常鮮甜。最推介係荔芋扣肉煲。
非常香芋頭味，真正扣肉唔係瘦肉。
仲有燒雞好脆好滑。泡飯個龍蝦湯非常鮮，令泡飯吸晒龍蝦
味道。乳豬例牌都有10片，仲要脆爆，價錢亦非常經濟。
去到甜品，我哋叫左煎堆，大過我拳頭。今晚非常滿意。
唯一缺點真係搭𨋢問題，等足15分鐘先落得返地下。
2
1
