鮨一日本料理 (大壩街)

營業中

休息中

鮨一都開到黎荃灣啦，就位置在荃灣廣場對面都相當方便，menu好多選擇，價錢都功道。店員態度都幾好，常常為我們加茶，幾細心！錦繡魚生飯定食，有湯，沙律，前菜，用上7,8款時令刺身片做丼飯，三文魚厚切肥美， 魚油感十足！ 鯛魚清新鮮甜，帶子綿綿細滑！壽司飯味道剛好，醋香唔會太酸，幾正！清酒煮蜆，用上沙白，新鮮無沙，份外大隻更鮮甜！湯底有陣陣清酒香味，非常吸引， 蘿蔔大切，好清甜。岩手縣真蠔，夏天當造日本岩蠔，size大大隻，而且相當肥美，口感嫩嫩味道夠creamy, 帶自然微微海水既咸香！好好食。