影片
更多
2020-11-14
402 瀏覽
星期日去尖沙嘴科學館玩完，附近搵地方食飯，發覺好多地方都好易搵位，見咁耐無食過小菜，就揀咗呢間落地牢既店，因為佢。有。雞。煲呀~~起碼大半年無食雞煲，梗係想嚟個夠辣既口味啦~我就係畀呢個餐吸引咗落嚟！有聖子王、元貝、香辣雞煲同魚餃，好啱我哋口味~不過自己都有啲建議，就係餐廳為餸菜寫既名太普通，食客唔太知道其實會係點煮法，呢樣可以改善，吸引力會加分！好似呢個章魚魚鮫咁，坦白講我無預期係咁，更加諗唔到原來係咁惹味！豆鼓同蒜泥已經好香口，再加埋用燒既方法去煮，可謂外脆內嫩，係舔舔脷之選。燒元貝有粉絲墊底，蒜蓉香蔥調味啱啱好，唔會太鹹太淡，最好既係粒元貝仲係好Juicy~唔會變乾硬！呢度亦有一啲散叫既串燒，我另外再叫咗串甜薯，勁sweet又軟腍，自己只係食到一粒，其他都畀人搶晒~小食我揀咗芥辣章魚，足料唔孤寒，份量仲幾大碟0架~蟶子王係唔簡單，SIZE好大條，好欣賞呢度既廚師，燒嘢應該好留神，因為條蟶子完全能夠保留水份，唔會出現乾硬問題，自問自己去BBQ成日出事，所以係要畀個CREDIT呀廚既~最後就係雞煲喇~~~食既時候自己有個疑問：點解佢煮完啲雞肉一啲都唔會嚡口?而且仲好入味，辣度適中，川
起碼大半年無食雞煲，梗係想嚟個夠辣既口味啦~
我就係畀呢個餐吸引咗落嚟！有聖子王、元貝、香辣雞煲同魚餃，好啱我哋口味~不過自己都有啲建議，就係餐廳為餸菜寫既名太普通，食客唔太知道其實會係點煮法，呢樣可以改善，吸引力會加分！
好似呢個章魚魚鮫咁，坦白講我無預期係咁，更加諗唔到原來係咁惹味！豆鼓同蒜泥已經好香口，再加埋用燒既方法去煮，可謂外脆內嫩，係舔舔脷之選。
燒元貝有粉絲墊底，蒜蓉香蔥調味啱啱好，唔會太鹹太淡，最好既係粒元貝仲係好Juicy~唔會變乾硬！
呢度亦有一啲散叫既串燒，我另外再叫咗串甜薯，勁sweet又軟腍，自己只係食到一粒，其他都畀人搶晒~
小食我揀咗芥辣章魚，足料唔孤寒，份量仲幾大碟0架~
蟶子王係唔簡單，SIZE好大條，好欣賞呢度既廚師，燒嘢應該好留神，因為條蟶子完全能夠保留水份，唔會出現乾硬問題，自問自己去BBQ成日出事，所以係要畀個CREDIT呀廚既~
最後就係雞煲喇~~~食既時候自己有個疑問：點解佢煮完啲雞肉一啲都唔會嚡口?而且仲好入味，辣度適中，川椒麻香兼備，但最令我滿意既係，食完之後唔會口乾！以前食過既大部份味精落太多，食完成晚口乾乾，今次真係一啲都無，相信係真材實料！
張貼
