腸粉達人 (已結業)

搬左黎深水埗/南昌，終於搵到一間好食既腸粉店。之前見佢個名專門推介腸粉，同一般粥店唔同，一直都想試下。有腸粉，粥，煲仔飯，不過煲仔飯要等20分鐘。叫左叉燒腸+魚蓉腸，魚蓉腸都係問左佢係乜先敢叫，原來係菱魚咁既野，D豉油非常之好食，應該係蒸魚豉油，都幾重本。特別推介魚蓉腸，叉腸都中規中矩。佢d腸粉都幾特別，d餡係放出面的，保證無偷功減料，而且腸粉皮都好食。食野期間見老闆娘好熱心照顧一位感冒黎食野既婆婆，好有溫情。值得支持既小店，會再黎幫襯。