麵棧 (已結業)

我同朋友行荃灣,去到路德圍一帶，才搵到間朋友想吃的店舖~朋友的"雞絲冰鎮冷麵"（$26），幾大堆頭。調味料除了麻醬，仲有蘿蔔蓉同埋海鮮醬，全部都涷冰冰，夏天食啱哂！個冷麵除了雞絲，仲有青瓜、紅蘿蔔絲，好爽脆好清甜。個湯都唔係少野，好濃郁的雞味，仲有好香的蔥粒，唔，好有屋企feel~而個山東麵，真係名符其實的彈牙，全碟撈勻，好味到暈~初頭仲以為叫得"冰鎮"，真係有冰底，點知無，算啦，都夠涷既！我點了"秘製羊肉麵"（$30），算是店中的貴價菜了！主菜同麵分開上，一睇到呢D"枝竹羊腩"，即刻覺得飽咗。好在個淨麵索哂D清雞湯，唔駛醬料都有好夠味！加埋少少酸菜做陪襯，真係無得彈！同個冷麵一樣，我呢個湯麵的麵質都好彈牙QQ，份量都唔少，食哂成碗已經飽哂！朋友想試煎餃，結果點了韮菜餃（$18），雖然只有6隻，但隻隻都好飽滿，咬開仲有肉汁流出，正呀！初頭仲驚佢太濃韮菜味會唔好味，好在肉同菜的份量啱啱好。個餃皮厚薄適中，唔會漏汁亦唔會成啖粉，個底仲煎到脆卜卜，唔鍾意食餃子的我，也吃了2隻哩！PS: 呢度D辣椒醫都幾辣，好似係超市買到的"冠益"，大家小心！