活一鮮

營業中

休息中

住咗西環好多年，附近嘅博多都經常去，但就係冇去過活一鮮，原來已經係西環10年啦，今日終於可以有幸去到。見到個門口已經好有日本嘅感覺，一入到去裝修同埋啲侍應嘅反應真係好似置身日本，而且仲有兩層啊，梗係要坐上樓上啦。我哋食既係一個壽司嘅拼盤，老闆親自介紹食嘅次序，值得一讚嘅係佢啲米，米係用日本嘅米，散發出清淡嘅醋味，啲飯好柔軟，而且份量適中，一口一啖好啱女仔食，飯上面既刺身，真係好新鮮，新鮮就係好食！價錢亦唔貴，材料新鮮，配搭經過思考，製作過程認真，性價比高，唔怪得可以喺西環10年啦。