匯味堂

營業中

休息中

我住喺大角咀但一直都唔知有呢間餐廳，原因係佢夜晚七點先開。今日有緣入去試，餐廳約廿零三十個座位左右，老闆和老闆娘都熱情地招呼，推介是日精選嘅食材串燒。叫咗一碗 薑汁燒雞扒喇沙，老闆係接到order之後先用攪拌機打碎香料，所以湯底飲落比一般嘅清新 ，香而不濃。即叫即燒嘅日式薑汁雞扒雖然唔係好滑，但係非常多汁。另外叫是日精選黃金貝，黃金貝 其實唔算好大隻，一口可以食曬，食得出味道新鮮而且因為火候恰到好處，所以食落有肉汁。蒜蓉同孜然粉嘅調味略重，可能下次可以叫老闆調味輕手少少。總括嚟講，喺呢度食晚飯或者宵夜係一個唔錯嘅選擇，所有食物即叫即整，特別係人唔係太多嘅時候，可以同老闆傾下偈，放慢心境，放低番工或社會給予嘅壓力。