五要素食堂 (已結業)

平日嘅夜晚行行吓the one發現到呢間小店，就算係平日夜晚都一樣多人，睇個餐牌，只係日式加西式嘅餐廳。叫咗個人氣首選嘅美國黑毛和牛丼，有四大塊和牛，中間程粉紅色，目測脂肪比例唔多。食落去嘅時候外層有好香燒烤嘅味道，而牛肉入邊仲係好軟熟，雖然牛肉嘅部位比較瘦冇乜脂肪，但係入口唔會乾柴，仲有少少牛肉嘅纖維，非常適合瘦身人士享用。個飯上邊仲林咗少少燒汁，所以食落去唔會咁單調。另外叫咗一杯抹茶鮮奶，上邊雖然有忌廉，但係係無糖忌廉打發，而且成杯飲品唔會太甜，一啲都冇罪惡咁。總括嚟講價錢唔算貴，質素都有保證，而且材料同埋做法都唔會好油膩，非常健康。