博多一幸舍 (已結業)

今日去左銅鑼灣，本身係想食咖啡弄，但就同朋友行下行下去左登龍街，佢見到有博多一幸舍，即刻拉左我去排隊，佢仲好興奮咁同我講近排好出名。印象中我對拉麵無乜特別，就係食過係附近既一蘭，一排隊已經有個好好笑容既黎比左張落單紙。等左大概十五分鐘，就已經有位坐，我同朋友坐既係最近廚房既枱，見到啲師傅都好有心機咁做，而且仲可以同到其他同事對答到，認真覺得勁，仲見到老闆親自落場一齊夾手夾腳整。咁落單有位staff就輕輕介紹下，咁我就揀左辣味既小辛（$68）再加炸雞（$30）同流心蛋$（12），炸雞先上，係可以炸到又熱但又唔會好油，食完成隻碟都冇油滴，真心佩服。之後拉麵上左，我揀左小油但又辣，一開始好擔心會唔會搞到佢地好麻煩，因為通常辣就會油膩，但試左一啖湯，真係好正，有豬骨味又有辣，但就一啲都唔油，所以我就滿心歡喜咁食完成碗拉麵。另外我想講啲格局同staff既態度，真係十分滿分比十分，雖然唔明日文，但佢地喊既時候係好落力同好合拍，好整齊好有氣氛，我好鍾意，而且又會問候下答人呢樣岩口味冇，我揀左辣既，佢就會問你夠辣嗎，不夠可以幫你加。熱情到我害羞。整體對印象好好