影片
更多
2018-10-26
65 瀏覽
這裏叫做格格府，吃的是精品中菜，十分之適合女性來這裏晚餐，裝修極之美麗，好有中國東方唯美色彩。座位設計擺盤以及食物等等全部都明顯用過心思精心製作，好靚而且令人印象深刻。這裏還有一個吸引女性們來的地方就係有一啲格格皇后妃嬪嘅衣服可以着泥影相，大家千祈唔好怕羞嚟到一定要着下！配合呢度嘅環境穿起嚟特別有貴氣。呢度嘅侍應們都好樂意教大家點樣配搭，我本身想着格格衫，但係呢靚女就叫我着皇后嗰件。着落去真係好有型呀！食物選擇好多，建議大家記得帶橡筋紮頭髮。唔關食物嘅嘢我就講完，等我講返今日嘅晚餐食咗啲咩啦。前菜係雞絲粉皮，青瓜以及令我印象深刻嘅涼拌木耳。呢個涼拌木耳嘅陳醋香味比起好多餐廳的更加濃郁，香味長存。值得大家嚟到嘅時候點一點品嚐一下。湯係菊花豆腐湯，起初呢我同皇后媽媽都以為係豆腐湯加咗菊花，原來係將香滑嘅豆腐切成菊花狀態，印象中係中環食過一次。今次係第二次而呢一朵菊花俾我上一次食到嘅更加細緻而且難度高。因為菊花更加長，幼細而且大朵。一氣呵成令人讚嘆。豆腐湯清新美味，技巧取勝！糖醋魚係我極力推薦嘅菜式鬆化美味，全部都係功夫菜，令到我認為呢度唔單只係裝修靚服務好咁簡單。獅子頭配上小棠菜以及黑松露
座位設計擺盤以及食物等等全部都明顯用過心思精心製作，好靚而且令人印象深刻。
這裏還有一個吸引女性們來的地方就係有一啲格格皇后妃嬪嘅衣服可以着泥影相，大家千祈唔好怕羞嚟到一定要着下！配合呢度嘅環境穿起嚟特別有貴氣。
呢度嘅侍應們都好樂意教大家點樣配搭，我本身想着格格衫，但係呢靚女就叫我着皇后嗰件。着落去真係好有型呀！食物選擇好多，建議大家記得帶橡筋紮頭髮。
唔關食物嘅嘢我就講完，等我講返今日嘅晚餐食咗啲咩啦。
前菜係雞絲粉皮，青瓜以及令我印象深刻嘅涼拌木耳。呢個涼拌木耳嘅陳醋香味比起好多餐廳的更加濃郁，香味長存。值得大家嚟到嘅時候點一點品嚐一下。
湯係菊花豆腐湯，起初呢我同皇后媽媽都以為係豆腐湯加咗菊花，原來係將香滑嘅豆腐切成菊花狀態，印象中係中環食過一次。今次係第二次而呢一朵菊花俾我上一次食到嘅更加細緻而且難度高。因為菊花更加長，幼細而且大朵。一氣呵成令人讚嘆。
豆腐湯清新美味，技巧取勝！
糖醋魚係我極力推薦嘅菜式鬆化美味，全部都係功夫菜，令到我認為呢度唔單只係裝修靚服務好咁簡單。
獅子頭配上小棠菜以及黑松露醬，獅子頭做得好嫩滑，無論味道層次質感以及擺盤都絕對係高質素！
食完啖啖肉嘅獅子頭，配上呢個菜苗，用上優質嘅金華火腿令到上湯味道好濃郁，而又不失本身菜苗嘅新鮮感覺。
吃厭了炒飯，廚師推薦這個龍蝦湯泡飯用上飯以及爆爆米通，口感配搭層次多，龍蝦湯味道濃郁。是新菜各位下次去一定要試吓。
呢個甜品屋決定唔開名。望落去完全唔知係咩黎，我以為係紅棗蓉甜湯，原來完全唔係，皇后媽媽就知係咩，飲咗成碗呢淨係覺得好飲，究竟係咩黎？大家自己去到估下啦！
晚市大概$400左右至$500左右一位，又可以cosplay , 又可以品嚐精品中菜，雖然我冇睇延禧攻略，但係我都玩得好開心啊！仲有皇后嘅手指飾物，食飯前玩都唔知玩幾耐啊！
張貼
