亀井鮨 (已結業)

於日本有百年歷史嘅「亀井鮨」最近選址香港開設其第2間海外分店，鮨店除搜羅及空運各地刺身食材入饌外，更首次於香港分店使用本地海鮮，令菜式帶有本地元素。另由本月初起，全場食品更有8折優惠，梗係約埋老友試吓🤭店內有卡位及長長壽司吧枱，裝潢帶日式風格，又不失現代感，令人舒適自在😌🐙芥辣八爪魚（$48）八爪魚切粒並混入芥末，口感Q彈有嚼勁，亦令味蕾好有衝擊感😌🍣加州卷（$24）中間有蟹籽、青瓜、牛油果、蟹柳及玉子，紫菜香脆令口感增加，味道清清地幾好😌🍣極上壽司盛（$350/ 12貫）壽司12款，分別有大鮪魚腩、油甘魚、深海池魚、鯛魚、左口魚邊、牡丹蝦、帆立貝、三文魚子、海膽、穴子、玉子及鮪魚蓉卷；每款壽司都好新鮮，海膽鮮味回甘，三文魚子及牡丹蝦晶瑩剔透，大鮪魚腩及油甘魚肥美味鮮😌🍣炙燒壽司盛（$250/ 8貫）拼盤有大鮪魚腩、鯖魚、三文魚腩、帆立貝、左口魚邊、赤蝦、穴子及玉子燒；每款壽司都多咗一份炙烤香，特別係大鮪魚腩及三文魚腩，輕炙後魚油更為豐富😌🍤雜錦天婦羅（$128）天婦羅有大蝦、南瓜及冬菇，新鮮熱辣炸起特別香口，最重要係天婦羅汁都係熱，非常有誠意👍🏻