MooFish (已搬遷) 新店位置

周末黎愉景灣感受下渡假感覺。疫情下人流唔算多，大部分似區內居民 (外國人為主)。愉景灣北商場落車後，往海濱方向行一兩分鐘就見到白教堂。餐廳位置就係白教堂對面，有室內/戶外座位。可以影相打完卡再過黎食午餐/下午茶！見秋天天氣涼爽，選擇了露天茶座，環境開揚又舒適。舖前有一隻淺藍色牛牛做擺設，不時有小朋友騎上去影相，幾熱鬧！🔸茄醬蝦三文魚意粉 $155賣相不錯，選用淺藍色碟上菜，與意粉形成強烈對比色。茄醬味道偏酸，醬汁濃稠。材料算多，蝦肉爽口彈牙。直覺以為係煙三文魚，原來係三文魚扒切細件。整體幾好食，份量足料！🔸超級芝士漢堡 $150漢堡SIZE巨大，有成隻手咁高！牛肉漢堡扒煎得香口，配以半融化的車打芝士。另有生菜、煙肉、番茄、洋蔥，自家製酸辣醬。伴碟跟一籃炸薯條，薯條粗切，有脆有腍。