王牌冰廳 (燒味世家)

營業中

休息中

最近天氣轉冷，突然想食燒鵝。原本想去天晉某間老字號食。後尾發現沒有下午茶。呢個年代未比人炒，都瀕臨失業危機，邊敢亂花錢。最後發現此隱世食店。店鋪位置在將軍澳中心，幸好附近有單車路，非常適合平日入將軍澳踩單車的朋友仔去食。廢話少講，食物行先。餐牌如下，其實目標只係想平平地食個燒鵝瀨。呢個價錢乎合我呢D瀕臨失業的貧友仔。唔好以為下午茶就無料到，一樣有料。燒鵝瀨送上菜心一條。燒鵝甘香，肉質幼細。另外呢杯「夠薑奶茶」有驚喜，內有薑絲，飲落肚非常暖胃，適合這個寒冷的冬天飲用。埋單$38有燒鵝瀨粉下午茶，將軍澳區內可以去邊揾?缺點係間餐廳空間比較細，坐起黎可能會比較迫。或者等位要點時間。總括黎講，值得再食。