更多
2016-05-15
1597 瀏覽
我久唔久都會嚟呢間食下蕃茄湯粉,今晚嚟到見到有新嘢食,一於試下先。呢個芝士蕃茄湯要$75,初頭諗: 同我平時食蕃茄湯加芝士有乜分別呢???不過見佢個餸有帆立貝又跟埋可樂,我至愛,又試下啦!我懷住好期待嘅心情,等呀等~終於嚟喇!(其實都唔係好耐,8分鐘到,可能我好心急啦!)嘩!原來都幾大碗下,即刻好心急咁呷一啖湯,抬頭個姐姐望到我笑一笑話:撈均佢先~~好食啲㗎!我即刻起勢撈~~果然,正呀!我跟佢個溫馨提示食微辣,蕃茄同芝士味都有喺度,唔會是但一方搶咗另一種味,微微辣果然係神之點滴,令你唔會覺得“溜”!到粒帆立貝~~用咗蛋黃醬焗,又係呢種微微辣,真係堅惹味!好幸福嘅感覺呀!呢個餐可以話你知咩叫完美,當我好enjoy時,攞起杯可樂啜一大啖,個情境就好似套戲“我左眼見到鬼”嘅其中一幕,亞肥妹鬼上鄭秀文身為咗食飽打個飽嗝,就係呢下,好耐未試過食餐飯食到我咁冧!蕃滿門,俾個叻你!
$75
62 瀏覽
0 讚好
0 留言
張貼