更多
2016-01-13
1381 瀏覽
好耐都無搵表哥一家食晏晝，趁依個星期日落開深水埗，又有點空閒，相約食餐午飯。佢哋家住順寧道，就番晌附近，所以，就揀咗新開無耐嘅瘋鳥，因為經過時見佢幾人氣！聽表哥講，依個鋪位都轉過好多手，飲食生意真唔易做。店內環境裝修簡約，水泥地、水泥牆，配上暖黄嘅疑似烏絲燈泡，帶點點工業風。配置咗二、四、六人枱，以小店嚟講，缺乏彈性，但可睇出店主想要嘅可能喺風格。近門口及水吧枱，有少量吧位，單拖或得兩個人嚟都好適合。而走到餐廳尾再入深啲，有條冷巷仔，原來都有兩張二人枱，想同朋友靜局啲、少啲騷擾，「冷巷位」就一流。食午餐包飲品就最划算，是日午餐共有5款（$42-$52），包花茶一杯，咖啡或是日特飲需額外加$5（但摩卡除外），其他飲品則正價減$20，而且供應時間好長（11:00am-6:00pm），當提早嚟食個晚餐都得呀。表姪女最愛薄餅，所以，我哋一行4人點3個午餐，另加一客薄餅。一向寫食評為方便大家參考，如店方唔介意，小弟盡可能都會影影餐牌。食物選擇有小食、沙律、意粉、薄餅，唔算好多，在乎精。因為我見午餐款式晌餐牌中都有散點，向店員查詢後，午餐嘅份量確喺會比散點少一啲。蜜糖芥末烤雞沙律 $42午餐中最輕
聽表哥講，依個鋪位都轉過好多手，飲食生意真唔易做。店內環境裝修簡約，水泥地、水泥牆，配上暖黄嘅疑似烏絲燈泡，帶點點工業風。配置咗二、四、六人枱，以小店嚟講，缺乏彈性，但可睇出店主想要嘅可能喺風格。
近門口及水吧枱，有少量吧位，單拖或得兩個人嚟都好適合。而走到餐廳尾再入深啲，有條冷巷仔，原來都有兩張二人枱，想同朋友靜局啲、少啲騷擾，「冷巷位」就一流。
食午餐包飲品就最划算，是日午餐共有5款（$42-$52），包花茶一杯，咖啡或是日特飲需額外加$5（但摩卡除外），其他飲品則正價減$20，而且供應時間好長（11:00am-6:00pm），當提早嚟食個晚餐都得呀。表姪女最愛薄餅，所以，我哋一行4人點3個午餐，另加一客薄餅。
一向寫食評為方便大家參考，如店方唔介意，小弟盡可能都會影影餐牌。食物選擇有小食、沙律、意粉、薄餅，唔算好多，在乎精。因為我見午餐款式晌餐牌中都有散點，向店員查詢後，午餐嘅份量確喺會比散點少一啲。
蜜糖芥末烤雞沙律 $42午餐中最輕盈嘅一道菜式，沙律菜非常新鮮爽脆，烤雞入口唔會「嚡烚烚」，只嫌煎得未夠香，反而，個蜜糖芥末醬味道喺OK嘅，但要改造吓，因為，依家個狀態喺唧醬，做熱狗就實無問題，但做沙律就好難撈得勻。
菠菜什菌意大利粉 $43一睇「菠菜」、「意粉」，初時個印象諗住喺綠綠哋嘅菠菜意大利粉，原來唔喺，喺加入菠菜蓉嚟做意大利粉，意粉煮得啱啱好，好有咬口，又平均掛滿菠菜蓉，帶點清新菜味；什菌都落得唔少，頗有菌香，喺素食者嘅選擇。
菠菜什菌意大利粉
$43
48 瀏覽
1 讚好
0 留言
據店員介紹，個「啤酒」喺指脆漿加入啤酒製作，令個漿炸出嚟更脆口，記得荃灣有檔雞蛋仔都喺加啤酒做配方，的確個炸漿好甘脆，亦唔算好油，而且，啲魚柳嫩滑有魚味；薯條喺原個薯仔連皮切，所以，炸出嚟會見到仲連住薯皮，香脆中帶微微韌性。
啤酒炸魚薯條
$48
70 瀏覽
2 讚好
0 留言
三重芝士炸蝦薄餅 $82千呼萬喚始出來嘅薄餅，表姪女都等咗好耐。薄餅只有兩款供應：泰式豆腐及三重芝士炸蝦，前者喺素食嘅薄批，後者則厚批，同樣8”大細。一上枱真喺好吸引，4大隻吉列蝦，又濃濃芝士香，皆因用上莫沙里拉、巴馬臣及車打3款芝士，芝士下又塗有蕃茄牆，吉列蝦炸得外脆內鮮，所以，個批真喺幾好食。
三重芝士炸蝦薄餅
$82
66 瀏覽
2 讚好
0 留言
熱朱古力 $35咖啡、熱茶表姪女都唔鍾意，熱朱古力就啱佢多啲，我哋只點3份午餐，所以，佢杯熱朱古力當為散叫（$35）。唧咗啲忌廉花，表姪女問咩嚟，哈哈，佢多數飲朱古力嘅地方都喺茶記，佢話好好飲，同平時飲嗰啲好唔同，朱古力味濃郁，入口非常香滑，佢極為欣賞。
香茅檸檬薑茶（跟餐）表嫂就揀熱花茶，不過依一款Lemongrass & Ginger應譯為香茅薑茶好啲，因為點都唔會飲到檸檬味，而睇到個茶包招紙喺T2，事後問問才知喺澳洲品牌。表嫂話香茅味未算好明顯，但薑味強勁，飲落好暖身，又以小茶壺盛載，好雅致。
拿鐵（跟餐）鮮奶咖啡一向喺小弟心水之選，用上青綠色瓦杯，好醒目。拉花花紋細膩，入口口感細滑，濃縮咖啡跟奶泡好融合，完全無攪過，每一口都好平勻，證明師傅沖調手勢好。
拿鐵（Latte）
43 瀏覽
1 讚好
0 留言
店家將Flat White譯為鮮奶咖啡，都唔可以話錯，其實Cappuccino、Latte同Flat White都可算喺鮮奶咖啡嘅家族成員，都喺濃縮咖啡加奶泡而成，在乎泡沫厚度。表哥話佢杯咖啡夠醇香，口感淡滑，原因就喺Flat White嘅奶泡晌3者中為最薄。
佢哋仲有提供下午茶，喺一啲吐司、三文治，包飲品（跟午餐情況一樣），未知將來會唔會有啲凍餅、蛋糕之類作為下午茶之選！
事後同店主交流兩句，原來喺幾個90後拍硬檔闖天下，仲「專登」揀開喺啲小社區，可見用心唔喺一味只想做大生意，晌依家個社會乜都利字當頭，依類理想小店實在值得支持。雖然，菜式上仍有好些需要改進嘅地方，相信假以時日，可以做到鋒芒畢露！（後記：借用店中嘅wifi，密碼嘅其中一組號碼喺「D7689」，就明白年青人對社會嘅不滿！）
張貼
