Chop Chop 食神叉燒 (宏安道) (已結業)

$168 外賣二人餐。價錢都算合理，份量都足。燒鵝（+20），味道不過不失，不過全部胸骨位嫌無乜肉食。叉燒，打開見到唔係叉腩（肥叉）有啲失望。但竟然一啲都唔鞋口，都幾林又大大舊。另外跟左個叉燒醬汁都好好味。叫左啫啫菜不過佢應該比錯左蒜蓉生菜，好彩都好食。炒得幾香。咕嚕肉味道不過不失，份量都ok. 始終外賣過左半粒鐘先食凍左個汁係輸蝕啲。臘腸（+10）夠油香好食。可選飯/米粉/瀬粉。瀬粉幾好食😂包飲品/例湯，湯一般。