714
235
63
等級4
186
0
2021-04-02 7923 瀏覽
本來就真係無諗過出街食西餐既。但朋友對呢度既芝士餅有好大既興趣,唯有黎會一會佢啦。好耐冇飲有味嘅嘢啦,今日出街就試吓人哋餐廳嘅飛酒精飲品啦。今日飲咗熱情果薄荷梳打,平時我就唔鍾意飲梳打㗎啦,但係唔想飲佢嘅奶昔同埋果汁咁就飲下梳打啦。呢杯係熱情果薄荷梳打,梳打味唔重,熱情果唔算太甜,加上淡淡嘅薄荷味,好清新!叫咗呢個牛油果紅菜頭沙律,有酸醋同埋橙,即刻令到呢個沙律好清爽。份量唔多嘅火箭菜同埋小蘿蔔,唔會蓋過左做主角嘅牛油果同紅菜頭呢個五花腩小漢堡就真係正到冇得頂。賣相就真係一般㗎啦,炸嗰兩舊嘢,食完都唔係好知係咩嚟嘅,睇返個餐牌,原來係酸瓜,奇怪嘅就係佢完全唔酸。五花腩就好似三塊煎到好脆好香口嘅煙肉咁樣。加上份量唔多嘅沙律醬,鬆軟嘅麵包,真係覺得自己可以食多一個(我同朋友兩份分,一人兩個)暖蟹肉雅枝竹芝士沾醬,個名就好特別啦,味道亦都唔錯,非常之creamy. 忌廉味芝士味太濃,雖然有好香口嘅麵包夾住嚟食,但係都只可以食三塊!太油膩嘅感覺😅最後當然要食呢度嘅主角芝士餅啦,我同朋友都鍾意食甜品,未開餐嘅時候覺得可以食三舊,但食完上邊三樣嘢之後發覺只可以一人試一隻味。(當然有分享啦)30周年
更多
本來就真係無諗過出街食西餐既。但朋友對呢度既芝士餅有好大既興趣,唯有黎會一會佢啦。

好耐冇飲有味嘅嘢啦,今日出街就試吓人哋餐廳嘅飛酒精飲品啦。今日飲咗熱情果薄荷梳打,平時我就唔鍾意飲梳打㗎啦,但係唔想飲佢嘅奶昔同埋果汁咁就飲下梳打啦。
66 瀏覽
0 讚好
0 留言

呢杯係熱情果薄荷梳打,梳打味唔重,熱情果唔算太甜,加上淡淡嘅薄荷味,好清新!
47 瀏覽
0 讚好
0 留言

叫咗呢個牛油果紅菜頭沙律,有酸醋同埋橙,即刻令到呢個沙律好清爽。份量唔多嘅火箭菜同埋小蘿蔔,唔會蓋過左做主角嘅牛油果同紅菜頭


105 瀏覽
0 讚好
0 留言

呢個五花腩小漢堡就真係正到冇得頂。
賣相就真係一般㗎啦,炸嗰兩舊嘢,食完都唔係好知係咩嚟嘅,睇返個餐牌,原來係酸瓜,奇怪嘅就係佢完全唔酸。五花腩就好似三塊煎到好脆好香口嘅煙肉咁樣。加上份量唔多嘅沙律醬,鬆軟嘅麵包,真係覺得自己可以食多一個(我同朋友兩份分,一人兩個)


53 瀏覽
0 讚好
0 留言

暖蟹肉雅枝竹芝士沾醬,個名就好特別啦,味道亦都唔錯,非常之creamy. 忌廉味芝士味太濃,雖然有好香口嘅麵包夾住嚟食,但係都只可以食三塊!
太油膩嘅感覺😅

最後當然要食呢度嘅主角芝士餅啦,我同朋友都鍾意食甜品,未開餐嘅時候覺得可以食三舊,但食完上邊三樣嘢之後發覺只可以一人試一隻味。(當然有分享啦)

54 瀏覽
0 讚好
0 留言


30周年朱古力蛋糕芝士餅,上面嗰舊朱古力係實心嘅,整舊芝士餅嘅朱古力味都幾重。前面嗰舊cream就真係見仁見智可唔可以食喇。

47 瀏覽
0 讚好
0 留言


我就叫左呢個鹹焦糖芝士餅,本來諗住食鹹嘅配焦糖可以中和返個味,你望到面頭嗰鹹焦糖,配上中間好似慕絲感覺。我基本上連一半都食唔到。太甜喇!

芝士餅嗰度我覺得可以五個人share一件,一人食一啖就應該好好味。
其他菜式方面,意粉勁大碟。細食嘅朋友應該三個人都食唔晒。所以嚟到呢間餐廳要好好預個份量先至嗌嘢食。
我同朋友就基本上都係嗌晒輕量裝,沙律,輕食,頭盤既菜式。

味道不錯,但份量要自己就返好。
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2021-03-31
等候時間
5 分鐘 (堂食)
人均消費
$355 (晚餐)
推介美食
  • 五花腩小漢堡