影片
更多
2023-04-21
792 瀏覽
火鍋隨意門，帶你由香港飛到土耳其！入到餐廳，店員化身為機師帶位入座，機師仲😍好靚仔有禮～我今日去土耳其享受美食，馬賽克土耳其吊燈好靚，牆身印有色彩繽紛熱氣球，感覺置身於土耳其用餐。餐廳分為四個主題區，分別有土耳其，日本，法國同中國，帶你環遊世界，十分有心思。打邊爐最緊要係個湯底，我哋叫咗呢個招牌花膠雞湯鍋，金黃色。用上大量三黃雞同花膠，花膠件件都好厚身，店員會幫我哋剪開一塊塊花膠，方便食。成個湯底又濃又香甜，含有大量骨膠原，好養顏。我最欣賞，加湯時都係加原味雞湯，真材實料！✦手切頂級安格斯牛肉(細) $298油花分布均勻，肉質結實帶油筋，入口軟嫰有嚼勁，肉味香濃，油脂豐富。✦ 餃子拼盤 $148有齊5款餃子，可以試不同款式，一次過滿足哂！每粒都大大粒脹卜卜，皮薄滑溜。✦ 豐盛蔬菜拼盤賣相好精緻！成個花籃咁靚，蔬菜種類多好新鮮，將南瓜，蘿蔔同蕃茄用竹籖串起，特別花心思。✦黃金雙拼 $98火鍋必點配料！黃金炸魚皮同黃金響鈴，一上枱已經香噴噴、熱辣辣。即叫即炸，入口鹹香美味，直接咬落去超級酥脆，好邪惡呀～好好食！✦蜂蜜菊花烏龍茶 $78用地球儀器皿裝住好有特色，完全配合餐廳主題！2個人份量絕
打邊爐最緊要係個湯底，我哋叫咗呢個招牌花膠雞湯鍋，金黃色。用上大量三黃雞同花膠，花膠件件都好厚身，店員會幫我哋剪開一塊塊花膠，方便食。成個湯底又濃又香甜，含有大量骨膠原，好養顏。我最欣賞，加湯時都係加原味雞湯，真材實料！
✦手切頂級安格斯牛肉(細) $298
油花分布均勻，肉質結實帶油筋，入口軟嫰有嚼勁，肉味香濃，油脂豐富。
✦ 餃子拼盤 $148
有齊5款餃子，可以試不同款式，一次過滿足哂！每粒都大大粒脹卜卜，皮薄滑溜。
✦ 豐盛蔬菜拼盤
賣相好精緻！成個花籃咁靚，蔬菜種類多好新鮮，將南瓜，蘿蔔同蕃茄用竹籖串起，特別花心思。
✦黃金雙拼 $98
火鍋必點配料！黃金炸魚皮同黃金響鈴，一上枱已經香噴噴、熱辣辣。即叫即炸，入口鹹香美味，直接咬落去超級酥脆，好邪惡呀～好好食！
✦蜂蜜菊花烏龍茶 $78
用地球儀器皿裝住好有特色，完全配合餐廳主題！2個人份量絕對足夠，淡淡嘅菊花味加上蜂蜜，好清甜，解渴一流！
張貼
