451
24
23
等級4
220
0
2017-01-07 263 瀏覽
呢晚嚟到「凡高廚房」 聽個名已經自然令人猜想同梵高嘅畫有啲關係.... 一出升降機門 就見到佈置得好似森林小屋嘅門口.... 入內後 燈光幽暗 播放住輕音樂 有落地玻璃 氣氛頗浪漫.... 有張桌球檯 旁邊有掛滿藤蔓嘅鞦韆搖椅 在望下牆 真係掛滿梵高嘅畫!每幅附有簡單文字簡介... 原來餐廳佈局係根據畫作內容嚟設計每檯嘅小擺設亦貫徹主題 連假花盆都插咗枝畫筆 XD 有客人坐底 店員就會主動斟水 提供menu和點上蠟燭呢晚餐廳老闆都喺度 除咗招呼客人 更會親自入廚房準備食物 又會過嚟介紹菜式或者吹下水... 部分食物命名靈感係源自老闆出國遊歷過嘅地方 亦引入咗一啲特色飲品/食品小妹和友人被新奇嘅「Italian Mocktail 意式梳打雪糕」吸引住 分別order咗「東方快車(荔枝味)」和「羅馬紅草原(草莓味)」 梳打係水果味 雪糕係雲呢拿 上面鋪上一舊cream... 水果味偏淡 主角係雲呢拿和忌廉 原來梳打和忌廉相當襯(就好似忌廉溝鮮奶!)所以千萬唔好擔心雪糕溶哂禽禽青食哂佢 反而要等雪糕和cream慢慢融合... 或者可以攪下佢等佢快溶 始終要趁凍飲menu內有多款海鮮拼盤可以選
更多
呢晚嚟到「凡高廚房」 聽個名已經自然令人猜想同梵高嘅畫有啲關係....

一出升降機門 就見到佈置得好似森林小屋嘅門口.... 入內後 燈光幽暗 播放住輕音樂 有落地玻璃 氣氛頗浪漫.... 有張桌球檯 旁邊有掛滿藤蔓嘅鞦韆搖椅
在望下牆 真係掛滿梵高嘅畫!每幅附有簡單文字簡介... 原來餐廳佈局係根據畫作內容嚟設計


每檯嘅小擺設亦貫徹主題 連假花盆都插咗枝畫筆 XD 有客人坐底 店員就會主動斟水 提供menu和點上蠟燭
4 瀏覽
0 讚好
0 留言
呢晚餐廳老闆都喺度 除咗招呼客人 更會親自入廚房準備食物 又會過嚟介紹菜式或者吹下水... 部分食物命名靈感係源自老闆出國遊歷過嘅地方 亦引入咗一啲特色飲品/食品

小妹和友人被新奇嘅「Italian Mocktail 意式梳打雪糕」吸引住 分別order咗「東方快車(荔枝味)」和「羅馬紅草原(草莓味)」 梳打係水果味 雪糕係雲呢拿 上面鋪上一舊cream... 水果味偏淡 主角係雲呢拿和忌廉 原來梳打和忌廉相當襯(就好似忌廉溝鮮奶!)所以千萬唔好擔心雪糕溶哂禽禽青食哂佢 反而要等雪糕和cream慢慢融合... 或者可以攪下佢等佢快溶 始終要趁凍飲
羅馬紅草原/東方快車
$48
2 瀏覽
1 讚好
0 留言
menu內有多款海鮮拼盤可以選擇 最近仲有減價優惠 雖然寫明「敬請預訂」 但為食嘅小妹向店員詢問之下 發現有現貨供應!

小妹特別想食蟹同翡翠螺 於是揀咗$298嘅「2人份睡蟹拼盤A」 包含半隻法國睡蟹、2隻加拿大翡翠螺、6隻法國藍青口、4隻太平洋虎蝦、2隻生蠔
2人份睡蟹拼盤A
$298
2 瀏覽
0 讚好
0 留言
附有三種醬料:檸檬汁、醋、mocktail sauce(像茄汁加黑椒粒) 亦有食蟹必備嘅剪刀同長籤
2人份睡蟹拼盤A
$298
1 瀏覽
0 讚好
0 留言
其實嘛 如果海鮮鮮味夠濃郁嘅話 係唔需要醬料嘅~~ 翡翠螺同生蠔嘅海水味十分令小妹難忘!

翡翠螺幾乎好似雞蛋咁大隻 爽口程度可以媲美魚蛋
2人份睡蟹拼盤A
$298
1 瀏覽
0 讚好
0 留言
法國睡蟹係第一次食 算係大隻嘅品種 蟹鉗都幾粗壯... 而最大賣點係多到滿瀉嘅蟹膏!半個蟹殼裡面全部係膏!有黃有紅.... 當然 蟹肉都唔少
2人份睡蟹拼盤A
$298
5 瀏覽
0 讚好
0 留言
另外order一個 Dinner Set 先來一客歐陸式小食前菜——蛋餅 貌似蛋糕切餅 連細節都相近... 外層係「餅皮」 經過香煎 比較厚同煙韌... 內層雞蛋有好多氣泡 咬落好似蛋糕咁鬆軟... 有明顯嘅燈籠椒同火腿味
蛋餅
1 瀏覽
0 讚好
0 留言
Dinner set附送餐湯 不過老闆極力推介「98%野菌忌廉湯」 所以我哋決定加$28試下 果然係名副其實嘅「98%野菌」 濃度好高 湯裡浸滿用人手壓碎嘅雜菇... 如果將佢比喻為粥 都煲得幾綿——水份同餡料混和得宜
98%野菌忌廉湯
$48
2 瀏覽
0 讚好
0 留言
主菜方面有「香煎勺草挪威三文魚  配  法式忌廉薯蓉  香檸牛油」 三文魚最正嘅部分係煎得鹹香爽脆嘅魚皮!
香煎勺草挪威三文魚  配  法式忌廉薯蓉  香檸牛油
$268
4 瀏覽
0 讚好
0 留言
另一賣點係薯蓉 食得出唔係用薯粉加水開嘅 薯蓉本身無加味精 攪拌得好勻循 口感和諧 唔會忽然有幾舊特別大/硬... 撈啲白色嘅牛油忌廉醬落薯蓉 可以令薯蓉更香滑!同香脆嘅三文魚一齊放入口非常正!
香煎勺草挪威三文魚  配  法式忌廉薯蓉  香檸牛油
$268
3 瀏覽
0 讚好
0 留言
Dinner Set 附送一客甜品「焦糖燉蛋」 小妹貪得意用匙羹敲下層焦糖 一敲 就好似冰塊「噹」一聲咁裂開... 下面嘅燉蛋水份較一般食到嘅少 模仿咗cheesecake嘅質感 效果唔錯
焦糖燉蛋
$48
2 瀏覽
0 讚好
0 留言
飯後打返局檯波 結束悠閒嘅一餐!
3 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2017-01-04
用餐途徑
堂食
人均消費
$375 (晚餐)
推介美食
羅馬紅草原/東方快車
$ 48
2人份睡蟹拼盤A
$ 298
2人份睡蟹拼盤A
$ 298
2人份睡蟹拼盤A
$ 298
2人份睡蟹拼盤A
$ 298
蛋餅
98%野菌忌廉湯
$ 48
香煎勺草挪威三文魚  配  法式忌廉薯蓉  香檸牛油
$ 268
香煎勺草挪威三文魚  配  法式忌廉薯蓉  香檸牛油
$ 268
焦糖燉蛋
$ 48