影片
更多
2013-05-15
134 瀏覽
大前日(12-5-2013 Sun)同男友探完親返荃灣,為晚飯買餸,同佢路經呢o度,佢記得呢間豬扒唔錯,叫我o係呢o係呢o度買餸,哦?!我o地睇睇,佢重見到有$20.00o既炸鯪魚球,話都買呢個,而香茅豬扒同樣係$20.00.我o地畀o左錢後就坐低等等.我同男友商量冇菜喎,我記得呢o度有油菜,就問亞姐油菜幾錢同有咩o野菜?$10.00,有菜心,芹蘭,通菜同生菜,唔…要兩個啦,一個菜心,一個生菜.然後男友又問我有冇生o既餃子拎返去煮?我答唔使啦.(其實唔想o係o度買,要買都去民豐吧.)等o左幾耐吓,所有o野整好其4個盒,其實兩個菜用一個盒裝已經可以呢.我一路拎住,啲蒸氣就由盒o既窿釋放出o黎,熱得我吖.而我地搭車返屋企時,都嗅到香味,覺得應該好好食. 返到屋企等到食飯時間喇,噢,啲o野凍晒,兩個菜o既份量都唔多,炸鯪魚球只有五粒,但新奇地畀沙律醬我o地蘸,試吓先,我覺得唔係幾配,鯪魚味重但食到辣味,係胡椒粉太多?外層脆就已經唔脆喇,不過都仍暖暖地同都算彈牙,男友就話蘸沙律醬食都唔太差.然後食香茅豬扒,同樣外層已經唔脆,香茅味極濃,肉質鬆軟,唔錯.最後o個兩個油菜味道正常,不過真係太少喇.
我o地睇睇,佢重見到有$20.00o既炸鯪魚球,話都買呢個,而香茅豬扒同樣係$20.00.我o地畀o左錢後就坐低等等.
我同男友商量冇菜喎,我記得呢o度有油菜,就問亞姐油菜幾錢同有咩o野菜?$10.00,有菜心,芹蘭,通菜同生菜,唔…要兩個啦,一個菜心,一個生菜.
然後男友又問我有冇生o既餃子拎返去煮?我答唔使啦.(其實唔想o係o度買,要買都去民豐吧.)
等o左幾耐吓,所有o野整好其4個盒,其實兩個菜用一個盒裝已經可以呢.我一路拎住,啲蒸氣就由盒o既窿釋放出o黎,熱得我吖.
而我地搭車返屋企時,都嗅到香味,覺得應該好好食.
返到屋企等到食飯時間喇,噢,啲o野凍晒,兩個菜o既份量都唔多,
炸鯪魚球只有五粒,但新奇地畀沙律醬我o地蘸,試吓先,我覺得唔係幾配,鯪魚味重但食到辣味,係胡椒粉太多?外層脆就已經唔脆喇,不過都仍暖暖地同都算彈牙,男友就話蘸沙律醬食都唔太差.
然後食香茅豬扒,
同樣外層已經唔脆,香茅味極濃,肉質鬆軟,唔錯.
最後o個兩個油菜味道正常,不過真係太少喇.味道分係3.5分
張貼
