嘉豪酒家

約埋老媽子去顯徑嘉豪食晚飯

今次叫左個片皮鴨二食、頭抽木桶雞

、啫啫生菜煲

首先講左片皮鴨先，因為佢菜單只有苦瓜或者西芹炒鴨絲，哩兩隻菜我都唔鍾意食，所以膽粗粗去問經理可唔可以轉其他菜類炒，非常好運地佢幫我轉左茄子炒鴨絲，好感動！

片皮鴨係熱辣辣拎出黎係我地面前片既，而包鴨既皮都係即蒸，又熱辣辣，夠軟熟！

而頭抽木桶雞就做緊特價 $58蚊一碟，價錢唔貴，隻雞都幾滑，d汁甜甜地！拎黎撈飯好正！

啫啫生菜煲就無咩特別啦 都唔洗特登長篇大論講哩味。

希望日後都可以keep住水準呀！

食飽飽酒樓比左碟生果我地

非常滿足！