更多
2022-04-27
1380 瀏覽
之前已經試過幾次外賣,食咖哩豬扒飯,咖哩雞件飯或者係鰻魚飯,都十分好味。今次尊登黎試下佢堂食o唔ok。之所以食完又食,就因為呢一間係真正日本人開嘅餐廳,連侍應都係日本人,中文講得麻麻地,英文唔係好得嗰隻。最緊要係呢間餐廳連日本人都去幫襯,即係話呢一間係正宗日本餐廳,唔係港式日本餐廳。呢間日本人開嘅餐廳分左右兩邊,一邊叫外賣,一邊食拉麵,今次試佢拉麵,叫咗糖心蛋拉麵同埋香蔥拉麵。麵就好大碗,份量十足,但係隻溏心蛋就令人好失望!佢唔係溏心蛋,而係一般烚蛋,我覺得商品與事實不相符,於是就問下侍應。原來佢哋改咗做普通烚蛋,而唔係糖心蛋,咁我即刻請佢將餐牌幅圖更改至得,但係我覺得佢有少少聽唔明囉。講番碗麵,除咗隻蛋,叉燒ok,其他配料冇問題,只係我略嫌碗麵嘅醬油湯底稍為肥膩,唔係咁啱我腸胃。碗拉面對比我外賣嘅咖哩豬扒飯,可以係話差一皮,亦可以話個咖哩豬扒飯勝一籌! 個豬扒飯嘅吉列豬扒炸得啱啱好👍又熱又夠脆,而且咖哩汁零舍多,仲要好好味喎,我每次外賣返屋企食,都舐埋個底咁濟。所以,我終結呢間餐廳食丼係優勝過食拉麵,純粹個人意見。我仍然極力支持呢間日本餐廳,因為呢個質素,係中環嚟講,性價比算係高嘅!
之所以食完又食,就因為呢一間係真正日本人開嘅餐廳,連侍應都係日本人,中文講得麻麻地,英文唔係好得嗰隻。最緊要係呢間餐廳連日本人都去幫襯,即係話呢一間係正宗日本餐廳,唔係港式日本餐廳。
呢間日本人開嘅餐廳分左右兩邊,一邊叫外賣,一邊食拉麵,今次試佢拉麵,叫咗糖心蛋拉麵同埋香蔥拉麵。麵就好大碗,份量十足,但係隻溏心蛋就令人好失望!佢唔係溏心蛋,而係一般烚蛋,我覺得商品與事實不相符,於是就問下侍應。原來佢哋改咗做普通烚蛋,而唔係糖心蛋,咁我即刻請佢將餐牌幅圖更改至得,但係我覺得佢有少少聽唔明囉。
講番碗麵,除咗隻蛋,叉燒ok,其他配料冇問題,只係我略嫌碗麵嘅醬油湯底稍為肥膩,唔係咁啱我腸胃。碗拉面對比我外賣嘅咖哩豬扒飯,可以係話差一皮,亦可以話個咖哩豬扒飯勝一籌!
個豬扒飯嘅吉列豬扒炸得啱啱好👍又熱又夠脆,而且咖哩汁零舍多,仲要好好味喎,我每次外賣返屋企食,都舐埋個底咁濟。
所以,我終結呢間餐廳食丼係優勝過食拉麵,純粹個人意見。我仍然極力支持呢間日本餐廳,因為呢個質素,係中環嚟講,性價比算係高嘅!
咖哩豬扒飯
35 瀏覽
0 讚好
0 留言
張貼
