【香酥無骨雞扒滷肉便當】
塊雞扒真係無得頂！外皮炸到金黃香脆，咬落去「咔嚓」聲，入面嘅雞肉仲keep住超多汁～滷肉飯底好正宗，肥瘦適中嘅滷肉碎撈埋珍珠飯，啖啖都係濃郁滷香！配菜仲有酸菜同半隻滷蛋，完美平衡咗油膩感，大滿足！
【炸豬柳滷肉便當】
豬柳勁驚喜！外層薄脆唔油膩，肉質軟嫩到好似會融化咁～滷肉汁滲入飯粒，每一啖都係邪惡又幸福嘅味道！如果你鍾意食炸嘢又鍾意滷肉飯，呢個便當絕對係雙重享受！
【香酥夜市雞扒（單點）】
額外加咗塊夜市雞扒，同便當嘅雞扒一樣高質！超大塊而且調味恰到好處，椒鹽香氣好惹味～鍾意食雞扒嘅話一定要單點，啖啖肉超治癒！
🍹桑葚洛神花茶：酸酸甜甜好清爽！洛神花嘅香氣同桑葚嘅果味好夾，解膩一流～
🍋熱柑橘檸檬茶：凍冰冰嘅日子飲一杯即刻暖笠笠！柑橘同檸檬嘅清新平衡得剛好，唔會太酸，飲完喉嚨好舒服～
整體來講，「小胖」嘅便當真係冇令人失望！無論係雞定豬，炸定滷，都做到外脆內嫩又多汁，仲保持到台灣風味～飲品亦係誠意之作，同便當係絕配！沙田友或者經過沙田嘅話，真係要上去試吓！
📍地址：小胖台灣便當 (沙田)
沙田沙田正街11-17號偉華中心2樓3B-3C號舖
3
