，但次次諗食咩都係一個問題，今次又係我地呢堆人裡面最鍾意"搵食"既同事仔上Openrice random咁揀咗幾間，最後投票係去試呢間草苑晚餐。
其實喺地下行上去時覺得條樓梯有啲僻，可能我最早到，餐廳都唔算多人，即使我啲舊同事有四個好遲嚟，都唔會有種俾人趕走既感覺。
講返正題，當晚我地總共有8個人，由於係一張長枱，我地有4個人到咗之後，忍不住圍咗一個鐵板叫咗個4人套餐燒住等。
~前菜~
魚片 - 香口
泡菜 - 好味開胃！
粉絲 - 一般
青豆 - OK
青菜 - 有啲寡口
魚仔 - 好好o趙
甜薯仔 - 略甜
~主菜~
燒牛肋骨 - 好香，但很難咬開!
燒大蝦 - 很鮮甜多汁
燒雞肉 - 一般
燒豬肉 - 本身唔太好豬肉
燒帶子 - 一流！超級好味！
石頭鍋飯 - OK
生菜籃 - 菜很新鮮爽脆
泡菜豬肉煎餅 - OK
牛骨湯 - 超暖胃，又夠濃味
平時韓燒懶得自己燒既我都忍唔住
落手，不過好快失手咁跌咗粒好美味既帶子囉！ 
真係要試吓，因為唔係冰鮮喎~價錢雖然係貴少少，但係有質素，唔似出面嗰啲任燒既乜都俾你燒一餐，但燒完未必會食入口嗰種。雖然話係4人套餐，但啲嘢多到好似6人套餐囉！原本我地想等齊人叫另一款4人套餐，但因為叫咗嗰款太好味，所以我地encore再叫返一樣嗰款套餐。 
我地由7點坐到10點都無俾人催過要交枱。餐廳既燈光偏暗，周圍又不太吵，確係坐得幾舒服~
但係如果可以好似打邊爐咁有圓枱坐會好好多，我坐最旁邊，傾偈又真係遠咗少少囉同最遠嗰個人講嘢 
，不過我地都好enjoy個環境同食物，燒完唔覺好熱氣^_^，值得一試。 
