丸和食堂 (已結業)

聽男友講上水開咗間新既日本野，真係好喇因爲上水不嬲都少日本餐廳，唔洗食黎食去都係果幾間。一入到店內，已經見到好多一家大細黎食，啲野食都好多選擇，而且適合小朋友tim!叫咗件7吋三文魚壽司同埋7吋玉子壽司，黎到真係喜出望外，真係好長呢！長過我隻手掌✋🏻三文魚好香魚油味，成7吋長放入口感覺超滿足呀！玉子壽司甜甜地，岩晒鍾意食蛋既我！灸光芝士大蝦反卷呢個好多人叫咗，所以我地都叫黎試下，佢係原隻大蝦炸好放入卷，都有成6、7件好夠食，炸炒仲係香脆架！羅威三文魚粒粒蟹籽丼三文魚同蟹籽真係好夾呀味道，有成4-5件厚切三文魚刺身，激抵。仲可以拎塊紫菜黎包起啲飯同刺身扮手卷食，一飯兩食so easy!鹿兒島便當呢個絕對係超抵食，因為一個咖哩飯便當有炸雞、豬軟骨、三文魚同帆立貝刺身、仲有螺肉；去邊搵呀！其實食一個已經好滿足，每一樣都可以試下，岩晒心大心細既我。香煎脆脆雞軟骨餃子呢個要熱食，食入口食到細細粒脆卜卜既軟骨係餃子入面，加埋小小肉同菜勁香口呀！