武士拉麵 (已結業)

好耐冇食拉麵，有朋友介紹呢間隱世小店，話會食過返尋味。真心覺得朋友無介紹錯，有喺日本吃拉麵的感覺! 唔錯唔錯~鋪頭唔算大，大概十個位左右。開放式廚房，客人可以邊食，邊望住師傅整拉麵/餃子等。師父仲會同你交流意見，好親切。喺點菜紙寫低想食乜嘢， 好快就有得食。武士沾麵附上一碗濃郁的柚子魚介wasabi湯，味道偏鹹 ，但用嚟沾麵食就剛剛好。魚介味偏重，配上新鮮的香蔥， 將鮮味再度提升。湯內還有好多嫩滑叉燒粒。正!師傅話沾麵係要配粗麵， 果真好有彈性!燒過嘅叉燒，油脂嘅香味散發哂出來，再配上黑椒一齊食，特別香口。豐臣將軍拉麵湯底相比下，比較偏重豬骨味。同時亦有好多香蔥嘅香味。點左普通的拉麵，但都好幼滑，有蛋香味。同武士拉麵一樣，都係有兩片叉燒，同半隻糖心蛋。 叉燒好淋又入味，糖心蛋好滑嫩。