閨•家 (西九龍中心)

睇杜文澤呢騷介紹過閨家，講到明無味精既茶餐廳，難得今日黎開深水埗就買外賣歸家食，粉紅色嘅店舖好吸睛，店舖嘅牆身或嘅係深水埗嘅壁畫，店舖同每位員工嘅粉紅色制服後面都寫住見字飲湯，加上佢係一間黃店所以更值得支持，餐廳門口已經好多人排隊，加上餐廳已經入圍新假期2021年必吃餐廳，證明呢一間餐廳一定有返咁上下質素

呢間嘅豬扒係用人手揼，真係好鬆軟好薄，而且仲好香香茅嘅味道，蓮藕肉餅亦很出色，肉餅厚身煎得夠香，個飯旁邊配搭嘅蔥油同酸菜簡直令個飯更為出色

香煎蓮藕餅豬扒飯

$51

花雕醉雞好香花雕酒味，而且啲雞仲好滑，仲有超多嘅杞子，果然落足料

花雕醉雞飯

$49

今次仲買埋佢另一個必食推介真手撕雞飯，旁邊仲配埋個沙薑汁，平時d手撕雞都撕到好幼絲，睇落去好似多啲，但係呢一間嘅手撕雞撕到粗身，個份量仲要多，而且佢嘅沙薑雞嘅味道非常好食

真手撕雞飯

$49

每個餐都會包一碗熬煮4小時細老火湯，飲落去完全感受到真材實料，有阿媽煲嘅感覺，一個餐先至$50，用茶餐廳嘅價錢食到咁高質素嘅飯真係超值