鮨心 (已搬遷) 新店位置

假期同朋友去鮨心食下野，傾下計，都幾悠閒。鮨心唔單止有刺身，壽司，手卷，仲有串燒，天婦羅等等其他嘅食物。我同朋友就咩都叫少少，咩都試下啦。清酒煮蜆嘅蜆好大隻呀，而且都幾鮮味肉厚。食落有淡淡嘅清酒香，配合蜆嘅鮮味，都不錯架！分量仲幾足，唔怕爭食嘛。壽司就各自選擇自己喜歡嘅刺身，我就揀咗三文魚，帶子，甜蝦，之後就叫個特別小小嘅BB銀鱈魚。每樣都好新鮮，BB銀鱈魚係灸燒過，有少少油香，唔會太膩，我覺得幾好食喎。炸雞軟骨係我好常食嘅小食，依度嘅雞軟骨炸得好香脆，唔好睇佢細細碟，其實食極都仲有架！另外仲叫左個鹽燒雞翼，燒得幾香喎，只係用少少鹽去調味就已經好好食喇！