武士拉麵 (已結業)

近排好多地方因為之前疫情影響好多想食嘅嘢都食唔到，今日終於去咗之前一路好想食嘅武士拉麵，終於可以還一還心願。因為怕夜晚人多嘅關係所以今次中午去咗，其實之前都睇過佢Menu，好想食佢個黑蒜油豬骨湯底。今次終於可以回味。足利將軍拉麵，濃郁嘅黑蒜味，配上香濃嘅豬骨湯，真係好味，而且豬骨湯亦都唔會好肥膩，紫菜脆卜卜，叉燒亦都唔會太過肥膩好味。值得一提嘅係佢個拉麵有支自家製魚油，可以自己將湯底調味，真係好正。😍😍😍😍德川將軍拉麵，醬油魚介豬骨湯麵，店舖自家製魚介，結合豬骨湯底。令湯底更加有鮮味，如果喜歡食豬骨湯麵嘅一定鍾意。我朋友仔鍾意有鮮味嘅拉麵湯底。所以佢揀咗呢個果然令到佢好有驚喜，滿足。