影片
更多
2025-02-21
2677 瀏覽
4-2-2025（Tue）無意中見到呢喥有做優惠嘅特別嘅法式龍蝦鮑龍萬有酥皮盆菜，覺得好吸引，同老公商量好唔好預訂嚟食，佢答好，於是我就以$458.00預訂原價$528.00嘅細盆菜，喺8-2-2025( Sat)初十一食，我都book好位，要求窗口位。我哋準時嚟到，係留咗窗口位俾我哋，坐低後，女侍應拎menu俾我哋，話個盆菜要等15分鐘，睇吓有冇咩想叫先。我知呢喥出名牛角包，但由於唔知做咩，我好頂肚，未必食到咁多嘢，而老公睇到嘢食同飲品都唔平，梗係，尖沙咗噃，佢都暫時唔嗌住。之後侍應嚟問我哋叫唔叫嘢食？我答遲啲，然後問我哋係咪可以𠵱o家上盆菜？我答係。咁我哋等，等呀等，等呀等，點解咁耐都未到？老公肚餓喇，原來都已經半個鐘。我就問問侍應，未開聲佢都知我問乜，即答話幫我跟。然後由廚房出嚟，話等多3分鐘。終於我見到佢哋將冇酥皮嘅盆菜拎咗出出菜位，睇見佢哋將半球形嘅酥皮放上盆菜喥，然後拎嚟，放喺個小爐上。我哋拎起酥皮，當我哋努力舀啲湯嚟蘸酥皮食時，侍應就拎一小壺龍蝦湯俾我哋。我先食酥皮，牛油味好夠，但唔好食，應該因為已經唔新鮮，失望。然後食其他嘢喇，海蝦都已經熟到個殼都變白，要快食；見到龍蝦
我哋準時嚟到，係留咗窗口位俾我哋，坐低後，女侍應拎menu俾我哋，話個盆菜要等15分鐘，睇吓有冇咩想叫先。
我知呢喥出名牛角包，但由於唔知做咩，我好頂肚，未必食到咁多嘢，而老公睇到嘢食同飲品都唔平，梗係，尖沙咗噃，佢都暫時唔嗌住。之後侍應嚟問我哋叫唔叫嘢食？我答遲啲，然後問我哋係咪可以𠵱o家上盆菜？我答係。
咁我哋等，等呀等，等呀等，點解咁耐都未到？老公肚餓喇，原來都已經半個鐘。我就問問侍應，未開聲佢都知我問乜，即答話幫我跟。然後由廚房出嚟，話等多3分鐘。
終於我見到佢哋將冇酥皮嘅盆菜拎咗出出菜位，睇見佢哋將半球形嘅酥皮放上盆菜喥，然後拎嚟，放喺個小爐上。
我哋拎起酥皮，
當我哋努力舀啲湯嚟蘸酥皮食時，侍應就拎一小壺龍蝦湯俾我哋。
我先食酥皮，牛油味好夠，但唔好食，應該因為已經唔新鮮，失望。然後食其他嘢喇，海蝦都已經熟到個殼都變白，要快食；
見到龍蝦都有膏嘅，
口感正常。其他都大致上冇乜問題，當我食到半件有冬蔭公嘅辣嘢時，
就睇返menu係咩食材，原來係泰式魚餅。而我再睇清楚menu，話有北海道珍寶帶子兩片，於是我哋就不顧禮儀咁搵，搵到喇，咁薄嘅？
食吓先，煙煙韌韌嘅？唔係喎，係咩嚟？原來係年糕，於是繼續搵，都係搵唔到，於是就同侍應反映，佢問我係咪真係冇？我答真係冇，亦冇食過。於是佢話check check，唔使擔心，補返俾我。
咁我哋繼續食，食到西班牙黑毛豬腩，覺得唔夠腍，椰菜都係唔夠腍，不過就掛咗龍蝦湯，就OK啲。
之後佢哋補返兩片北海道珍寶帶子，話頭先驚帶子放喺盆菜喥會老，所以另上。
我覺得，如果真係另上，就應該好快上，唔係由客人發現。老公話根本係漏俾。咁又係喎，怕老咪好似鮑魚咁擺喺面囉。
而呢片帶子就係用牛油煎熟。而紅蘿蔔亦都未夠腍。
3.8分
最後，老公好想食甜品，就要$68.00嘅三重莓果軟雪糕牛角包。
上到嚟，賣相係將牛角包直放，
三重莓果軟雪糕牛角包
$68
31 瀏覽
0 讚好
0 留言
下半截充滿軟雪糕嘅牛角包
7 瀏覽
0 讚好
0 留言
不過我𠵱o家睇返menu，發覺有$38.00嘅海鹽焦糖咖啡慕絲流心牛角包，其實應該叫呢啲稍為有功夫嘅嚟食，而且佢重平$30.00。
服務：
侍應們都ok，只係漏帶子片嗰喥要扣分。
價錢：
盆菜嘅加一服務費以原價計，即係呢餐$458.00+$52.80+$68.00+$6.80=$585.60。
2.7分
張貼
