去咗呢間當時人氣高企嘅茶餐廳嘅炮台山分店，結果出乎意料。
老闆表現得夠黃#我本來幾鍾意，所以特登去拜訪下，好（彩）容易搵到個位坐低，叫咗個雞扒返。#最新消息竟然話 71後話餐廳脫黃
碟飯來到（大半年之前嘅嘢我都要睇返相先記得），就係一碟飯碗倒出來嘅白飯，旁邊有一塊雞扒。飯上淋啲豉油，雞扒上亦灑啲蔥花。賣相一般。
心諗個雞扒會唔會類似榮式嗰啲呢？
切開一睇，x 咗一聲，喺心入面。除咗層皮之外，入面係全生嘅喎，咁都得？
懷疑佢未徹底解凍就攞去煎，而且時間關係仲要大火煎到外皮轉色就上碟。
咁有個問題，究竟佢哋有冇醃過啲雞扒呢，定係全部都係解凍後直接落鑊煎就完成？？
後來當然係要求換過個。
後來換咗來，外表正常，味道一般，冇得同榮式比。食剩少少先記得影相。
結論係雖然係黃店但我唔會再幫襯，而家脫黃，更加與我無緣。
