正宗上海生煎皇 (已結業)

聞說係一個真正學過整正宗生煎包煮法嘅明星開嘅店，聽咗咁耐，第一次試。醉雞翼酒味香濃，個人覺得比其他店酒味更濃郁， 雞皮爽，肉嫩。杞子有驚喜，食落酸酸甜甜， 雖然杞子係醉雞翼必須要有嘅配料，但很少會連埋一齊上菜，讚!擔擔麵湯底很香花生味，麵上嘅肉末菜脯，很有咬口，令每一啖麵都很豐富京汁茄子醬汁味道很特別，說不出的好吃!茄子煮得林身，索汁一流!生煎包肉質非常多，皮薄，煎過嘅位置脆口， 其他地方香軟，小小咬開一口，肉味香氣四溢，小籠包汁鮮甜， 真心推介!波士頓龍蝦小籠包龍蝦肉超細粒，考眼力，完全感受不到龍蝦嘅存在，中意食龍蝦嘅千祈唔好試，絕對令你失望。。。