更多
2020-11-26
1419 瀏覽
女友生日，就梗係要食餐好，女友喜歡食日式菜，預早book左焱丸水產！焱丸水產喺棉燈徑既一個盡頭，唔行到尾都唔會見到，門口好有日本居酒屋的感覺！進入餐廳後聞到陣陣燒海鮮既味道，估唔到中午12點幾已經咁多人嚟食，真係估唔到！呢度d佈置真係好似去左日本咁，而家去唔到旅行，有得嚟呢度都可以止下癮！呢度唔難發現有個好大既水缸，有各式各樣既海鮮生猛猛喺度！打頭陣出場係賣相好吸引既蟹味噌甲羅燒同黑松露蟹肉甲羅燒，兩份甲羅燒都傳來陣陣香濃既蟹膏香味，放上燒烤爐加熱，倒入鵪鶉蛋既蟹膏變得更香更惹味！跟住出趁有令人好開胃既蟹子蟹肉薯仔沙律，薯仔酸酸甜甜幾令人開胃，蟹子又脆口又香甜，配埋杯巨峰提子乳酸，份外醒神！接住有呢度人氣滿滿既刺身五盛，件件都係厚切既魚生，海膽非常鮮甜！其中最出色既係呢件吞拿魚腩，口感十足之餘，肥美香甜，幾近入口即溶既感覺，唔駛點醬油都好好食！之後有松葉蟹膏帆立貝殼燒，燒好左出嚟啖啖蟹膏，蟹膏好似唔駛錢咁，份量非常，又香又鮮甜！甜到有d漏haha跟住落嚟呢個焱丸號壽司，睇落一d都唔似壽司，似魚生，刺身，多過似壽司，低打開面頭既魚子，逐件逐件食就會發現一件件大件又吸引既壽司，內有帶子，海
焱丸水產喺棉燈徑既一個盡頭，唔行到尾都唔會見到，門口好有日本居酒屋的感覺！
進入餐廳後聞到陣陣燒海鮮既味道，估唔到中午12點幾已經咁多人嚟食，真係估唔到！
呢度d佈置真係好似去左日本咁，而家去唔到旅行，有得嚟呢度都可以止下癮！
呢度唔難發現有個好大既水缸，有各式各樣既海鮮生猛猛喺度！
打頭陣出場係賣相好吸引既蟹味噌甲羅燒同
黑松露蟹肉甲羅燒，兩份甲羅燒都傳來陣陣香濃既蟹膏香味，放上燒烤爐加熱，倒入鵪鶉蛋既蟹膏變得更香更惹味！
跟住出趁有令人好開胃既蟹子蟹肉薯仔沙律，薯仔酸酸甜甜幾令人開胃，蟹子又脆口又香甜，配埋杯巨峰提子乳酸，份外醒神！
接住有呢度人氣滿滿既刺身五盛，件件都係厚切既魚生，海膽非常鮮甜！
其中最出色既係呢件吞拿魚腩，口感十足之餘，肥美香甜，幾近入口即溶既感覺，唔駛點醬油都好好食！
之後有松葉蟹膏帆立貝殼燒，燒好左出嚟啖啖蟹膏，蟹膏好似唔駛錢咁，份量非常，又香又鮮甜！甜到有d漏haha
跟住落嚟呢個焱丸號壽司，睇落一d都唔似壽司，似魚生，刺身，多過似壽司，低打開面頭既魚子，逐件逐件食就會發現一件件大件又吸引既壽司，內有帶子，海膽，吞拿魚，配上香甜玉子絲，口感十足！
帶子大大件，又鮮甜，口感十足！
熱辣辣既北海道海鮮炒飯，香噴噴送到檯上，炒飯用料豐富，入面有多種唔同既海產，包括青口，帶子，蟹子，海膽，蟹肉。。。。真係數都數唔晒，食落陣陣鮮甜既味道，幾香口！
最後出場有海膽帆立貝燒，大大件帶子燒得香香，肉汁慘晒出嚟，令到其他配菜例如秋葵都充滿海鮮既香味，呢個組合令人非常回味！
今餐咁豐富既生日海產大餐，女友非常滿意，我哋都食得好鬼滿足，埋單千鬆d蚊，其實都唔係太貴，值得推介大家嚟試試！
張貼
