347
28
23
等級1
2
0
生日派對
2024-04-27 167 瀏覽
約咗幫朋友慶祝生日！朋友想食泰菜，見到其他人話呢間幾好坐就選擇咗，喺OpenRice book仲有正價88折！本身自己買咗蛋糕過去，不過諗住唔喺餐廳食，所以膽粗粗問職員可唔可以幫手雪住先，佢哋好好咁幫我手，亦話唔喺度食都冇問題。當日塞車朋友遲咗少少，餐廳職員無催我叫嘢食，到達之後我哋叫咗個二人餐（要咗一個冬陰功湯，魚餅，半隻海南雞，仲有炒金邊粉，包埋兩杯嘢飲）再加一個馬拉盞炒通菜，同埋豬頸肉炒飯！全部嘢都好好食，我哋全部都讚不絕口，特別係個炒通菜同埋炒飯，唔油亦好香口。最後因為叫咗過$600，所以免切餅費，我哋最後都係餐廳切埋蛋糕，問職員攞返個蛋糕嘅時候佢哋好細心，問我係要攞返定係佢送上枱！😂你知啦，好多餐廳都會唔問清楚就直接送過去，搞到冇晒驚喜！佢哋好幫手，又話可以有火機借，仲俾隻碟我放好個蛋糕！我哋食蛋糕嗰陣，職員亦都自動送上餐碟同埋餐具！真係十分細心，亦好有禮貌，下次會再幫襯！Btw，我哋食晚餐嗰場都幾full！大家話香港飲食業越嚟越差，其實仲有好多好嘅餐廳，需要大家支持
更多
約咗幫朋友慶祝生日！
朋友想食泰菜，見到其他人話呢間幾好坐就選擇咗，喺OpenRice book仲有正價88折！
本身自己買咗蛋糕過去，不過諗住唔喺餐廳食，所以膽粗粗問職員可唔可以幫手雪住先，佢哋好好咁幫我手，亦話唔喺度食都冇問題。
當日塞車朋友遲咗少少，餐廳職員無催我叫嘢食，到達之後我哋叫咗個二人餐（要咗一個冬陰功湯，魚餅，半隻海南雞，仲有炒金邊粉，包埋兩杯嘢飲）再加一個馬拉盞炒通菜，同埋豬頸肉炒飯！
全部嘢都好好食，我哋全部都讚不絕口，特別係個炒通菜同埋炒飯，唔油亦好香口。
最後因為叫咗過$600，所以免切餅費，我哋最後都係餐廳切埋蛋糕，問職員攞返個蛋糕嘅時候佢哋好細心，問我係要攞返定係佢送上枱！😂你知啦，好多餐廳都會唔問清楚就直接送過去，搞到冇晒驚喜！佢哋好幫手，又話可以有火機借，仲俾隻碟我放好個蛋糕！
我哋食蛋糕嗰陣，職員亦都自動送上餐碟同埋餐具！真係十分細心，亦好有禮貌，下次會再幫襯！

Btw，我哋食晚餐嗰場都幾full！大家話香港飲食業越嚟越差，其實仲有好多好嘅餐廳，需要大家支持
(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
張貼
評分
味道
環境
服務
衛生
抵食
用餐日期
2024-04-20
用餐途徑
堂食
用餐時段
晚餐
慶祝紀念
生日
推介美食
  • 馬拉盞炒通菜
  • 泰式鮮蝦炒金邊粉
  • 海南雞
  • 海鮮冬陰功湯
  • 豬頸肉炒飯