更多
2020-10-14
637 瀏覽
今日去開佐敦經過澳牛，因為已經有幾年無食，所以就一個人跟住條人龍入咗去，侍應帶我坐到張對面位已經有人坐係度食緊嘢嘅女人，而且中間無間板，我見佢已經食完，差杯奶茶未飲，所以我先唔介意就坐低，叫咗個常餐，其實我心入面都驚，始終無塊板隔住個唔識嘅人！我食食下，對面個八婆突然打咗個乞嗤！頂！周圍好多侍應，我望住D侍應求救啦，點知一個都無理過我！我即刻埋單走人！返到屋企成日都喉嚨痛！首先！我已經唔評論澳牛嘅食物質素，但係今時今日香港飲食業就係俾呢班害群之馬累死！點解人哋餐廳要嚴守最基本人多嘅時候放塊板去隔離，已經唔好講保持人與人之間嘅1.5米，座位逼到全部都係人！搭檯唔緊要！咁係咪應該加塊板隔開？？？今日如果唔係趕時間，我一定報警！因為呢間澳牛已經嚴重違反隔離令，我仲見到一張圓檯坐5個人，佢哋明顯就唔識對方！但又無隔板！唔該下次如果有人唔怕死去食嘅話，幫手反映一下！希望唔好將病毒不斷散播出去！
張貼