溏串小町 (已結業)

今日喺大埔附近放工，咁啱住附近的朋友屋企又無飯開，於是便相約一起晚餐。朋友話這間溏串小町開業不久，門面及裝修都幾吸引，一直想試，今日終於可以一試。去到未夠七點，時間尚早，不用等位。不過，枱與枱之間都有一定空間，即使坐滿，應該都不會感覺擠迫。我地點了油甘魚刺身、海膽帶子刺身、墨魚壽司，全部水準都不錯，頗新鮮，原來海膽同帶子一齊食都幾match! 串燒拼盤有6款，包括冬菇、翠玉瓜、五花腩、蝦、雞翼、菠蘿，加醬油燒令食物不會乾身，醬油不會太濃味，喜歡濃味的可以伴少少鹽。玉子刺身很滑很香雞蛋味，凍食剛好中和一下串燒的熱氣。另外，牛舌串燒、燒雞髀菇、鱈魚乾、水牛芝士條都屬中上水準。服務亦不錯，店員都會主動加茶。下次去開附近都會再幫襯。