Orange Elephant Thai Restaurant (和富)

自從和富中心裝修後食市比以往吸引好多，難得有間坐得舒適嘅泰國菜開係北角，一於同朋友去試下。餐廳內座位安排闊落有空間感。

餐廳有每日優惠$1菜式非常抵食，而每款菜式都大大碟，絕不馬虎。

椰青焗海鮮飯以原個椰青焗，賣相吸引。海鮮份量多包括蝦，青口、魷魚非常足料，棷香味十足。

飛天通菜雖然係$1但大大碟份量十足，通菜新鮮，少少辣非常惹味。

焗大蝦粉絲煲有大蝦兩隻，大蝦新鮮之餘肉質鮮甜彈牙，粉絲吸收曬大蝦精華，非常惹味。

飲品大大杯，椰味十足，十分足料。