影片
更多
2022-08-08
121 瀏覽
今日喺油麻地返工，約埋個同事收工一齊食吓嘢，同事介紹我去一間火鍋店，佢話呢度食材好新鮮，而且份量都算多，最緊要味道好好。火鍋店7:30前買單，所有火鍋配料仲要係半價。最啱就係我哋收6點，食少少嘢時間啱啱好。因為朋友唔食辣，所以簡簡單單叫咗個芫荽皮蛋湯底。頂級安格斯牛小排288元（半價144），一大碟安格斯牛肉上枱已擺得好靚，牛肉望落去已經知道好新鮮，色澤好紅潤，加上脂肪比例均勻，入口牛肉味香，肉質仲係好鮮嫩多汁，本身自己比較鍾意食牛，牛小排真係冇得輸，好好食。珊瑚蚌 130元，(半價65）珊瑚蚌份量都多，拖一拖水已經可以食得，入口味道鮮甜爽口。打邊爐就最適合。美國桶蠔 185 元，（半價92）除咗牛肉之外蠔就係我嘅至愛，桶蠔淥完唔會縮水，入口味道好鮮甜，蠔size 比較大隻,但係好爽口,口感真係冇得頂。白鱔片 105 元，（半價52）都係好新鮮，而且魚味好香，入口仲有啲爽口，呢啲食材真係最緊要新鮮。自創爆芝響鈴，80元6件 （半價40）即叫即炸爆芝響玲，一嚟到已經熱辣辣，香噴噴，拖一拖水已經可以食，入口外層好鬆脆，最正就係食到入邊一層芝士，無論口感同味道層次都非常豐富。吞POT火鍋真係
因為朋友唔食辣，所以簡簡單單叫咗個芫荽皮蛋湯底。
頂級安格斯牛小排288元（半價144），一大碟安格斯牛肉上枱已擺得好靚，牛肉望落去已經知道好新鮮，色澤好紅潤，加上脂肪比例均勻，入口牛肉味香，肉質仲係好鮮嫩多汁，本身自己比較鍾意食牛，牛小排真係冇得輸，好好食。
珊瑚蚌 130元，(半價65）珊瑚蚌份量都多，拖一拖水已經可以食得，入口味道鮮甜爽口。打邊爐就最適合。
美國桶蠔 185 元，（半價92）除咗牛肉之外蠔就係我嘅至愛，桶蠔淥完唔會縮水，入口味道好鮮甜，蠔size 比較大隻,但係好爽口,口感真係冇得頂。
白鱔片 105 元，（半價52）都係好新鮮，而且魚味好香，入口仲有啲爽口，呢啲食材真係最緊要新鮮。
自創爆芝響鈴，80元6件 （半價40）即叫即炸爆芝響玲，一嚟到已經熱辣辣，香噴噴，拖一拖水已經可以食，入口外層好鬆脆，最正就係食到入邊一層芝士，無論口感同味道層次都非常豐富。
吞POT火鍋真係冇得頂，全部食材都好新鮮，加上7:30前離座半價，真係非常吸引。
張貼
