入到餐廳感覺好舒服 樓底好高😌
餐廳既中間就係壽司吧 可以清楚見到師傅準備食材
枱與枱之間亦都有一定既距離 唔會聽到隔離講咩
見到佢有週末90分鐘既半自助餐🍴
（$268成人/$188長者/$148小童）只限午市供應
呢個價錢有超過40款食物飲品任揀～性價比算高👍🏻
熱食方面小妹encore左日式蒸蛋🥚、芝麻雞翼🐥、唐揚雞粒🐤
刺身方面每人都會跟左一隻磯煮鮑魚😍
油甘魚、三文魚同帆立貝都切得好大塊☺️
一啲都唔吝嗇😎而且食材都好新鮮
如果有多啲刺身選擇就更加好啦😙
主食方面小妹揀左三色丼同鰻魚丼🥰
三色丼有海膽、三文魚籽同炙燒左口魚邊
全部都好新鮮 份量適中 唔會太多搞到冇位食其他野
鰻魚丼就得一塊鰻魚 上面撒左啲香草🌿 幾特別😙
