Dodam Chicken (1亞太中心) (已結業)

位置係1亞太中心，APM嘅扶手電梯落去轉左就到，方便到爆。卡位都好多，枱又大張，空間好寬敞，最適合同朋友舒舒服服坐低傾偈😗😗。⭐️  招牌甜辣芝士無骨烤雞 Maekom Chesse Chicken $128上枱嘅時候熱辣辣，仲有芝士拉絲，真係好邪惡🤭🤭。唔止烤雞，仲有韓國年糕、芝士竹輪同埋蔬菜。韓式年糕有咬口，好有嚼勁🤤🤤。甜辣醬唔係偏杰身嗰啲，而係汁汁嘅，好好地配埋食物👍🏻。烤雞唔係好大塊嘅原雞肉，而係細粒嘅，啱啱好啱配埋其他細細嘅蔬菜同甜辣醬食😎😎。芝士厚厚嘅，加埋甜甜辣辣嘅醬，真係好出色。而且烤雞同年糕份量好足，好抵食😋😋。⭐️ 辣拌冷麵 Spicy Cold Noodle $125上枱嘅時候，服務員好細心地用剪刀剪開，令冷麵更好地吸附醬汁，亦都方便客人入口。湯底酸酸地，再加上微酸嘅辣醬。冷麵質感細軟但又有嚼勁，配上水煮蛋、青瓜、泡菜同埋梨片。冷麵酸辣味道濃郁，令味蕾更清新😍😍。原味湯汁保留咗鮮味，再加上蘿蔔蓉、白醋同Wasabi調味，蘿蔔蓉淡化咗鹹味卻保留住鮮味，而Wasabi同醋令湯汁更加豐富😚，清新而唔膩口。喺嚴熱嘅天氣入面，胃口唔大嘅時候，呢碗冷麵最啱💯💯。食完之後仲有開胃