泰屋

平日7:30已經開始要排隊喇，好誇張啊。環境感覺好開揚，座位寬敞，咁啱我坐喺沙發位，好舒服。服務10分滿分有11分，就算出面排隊，我哋食完傾左陣計，都冇黑面趕我哋走。
*
泰式蛋包金邊粉伴蝦 $92
Pad thai 2.0，蛋包金邊粉！賣相特別，基本嘅豆干、芽菜、花生碎都有齊，但味道單一普通，而且味道偏甜，冇咗魚露嘅鹹香味。

泰式蛋包金邊粉伴蝦

$92

冬蔭公魚蝦湯 $88
落order嘅時候講低咗唔好整咁辣，所以佢的確唔係好辣。冬蔭公湯鮮味十足，微酸微微辣，個人希望可以多啲酸，飲落有一陳微甜嘅後勁。

冬蔭公魚蝦湯

$88

馬拉盞炒通菜 $72
食泰菜必叫之一，通菜炒到有啲爽脆，而且唔會油腍腍，但馬拉盞嘅蝦醬味略為淡左啲。

馬拉盞炒通菜

$72

黃咖哩牛根腩 $92
黃咖哩味道溫和，所用嘅辣椒嘅量比紅、綠咖哩少好多，味道偏向係甜多過辣，如果你唔食得辣，黃咖哩啱晒你。牛根腩份量都唔少，部分帶筋，但煮得唔夠腍，肉質略為硬啲。
*
香蔥蒜蓉包 $36
麵包帶蒜香而且唔會烘到乾，就係為咗索晒啲咖哩汁。

黃咖哩牛根腩

$92