更多
2021-05-22
368 瀏覽
喺樓下路過覺得唔錯就去試下，點知就中伏。首先睇menu，啲日文係google翻譯嘅(本人日語能力試N1)，招牌係韓文+日文，但賣日式嘢，裝修又好貼地嘅茶記裝修，餐廳英文名叫Kobekyu，即係神戶牛，但佢賣嘅只係一般吉列牛，完全唔明餐廳個定位想點嘢食我叫咗個$148吉列牛套餐，係大份同ok嘅，但唔突出，而啲飯感覺得出佢裝定曬喺碗到好耐，表面都乾晒，個芥末醬都係，表面嗰層乾到同入面分離咗雖然嘢食大份，但環境方面真係令人唔想再去，琴日(21/5)氣溫三十幾度，我一入到餐廳就見佢放咗兩個風扇喺廁所門口，上面顯示溫度係31，而餐廳入面幾乎個個都食吉列牛，好多爐喺到燒，食到一半我已經流晒汗，再睇下個風扇，寫住係32度，我真係無諗過喺間室內嘅餐廳會出現咁嘅數字坐咗咁耐我見冷氣機雖然係開住嘅，但根本感覺唔到有冷氣，我坐喺風扇位都熱到飛起，走嗰時見到其他人埋單都係頭髮濕曬，成頸汗另外廁所係大廈後樓梯一格仔嘅廁所，我無去到餐廳嗰層，因為餐廳個姐姐去緊大，於是我走咗落下層搵廁所Overall咁多樣嘢，下次想再食吉列牛就唔會搵佢
首先睇menu，啲日文係google翻譯嘅(本人日語能力試N1)，招牌係韓文+日文，但賣日式嘢，裝修又好貼地嘅茶記裝修，餐廳英文名叫Kobekyu，即係神戶牛，但佢賣嘅只係一般吉列牛，完全唔明餐廳個定位想點
嘢食我叫咗個$148吉列牛套餐，係大份同ok嘅，但唔突出，而啲飯感覺得出佢裝定曬喺碗到好耐，表面都乾晒，個芥末醬都係，表面嗰層乾到同入面分離咗
雖然嘢食大份，但環境方面真係令人唔想再去，琴日(21/5)氣溫三十幾度，我一入到餐廳就見佢放咗兩個風扇喺廁所門口，上面顯示溫度係31，而餐廳入面幾乎個個都食吉列牛，好多爐喺到燒，食到一半我已經流晒汗，再睇下個風扇，寫住係32度，我真係無諗過喺間室內嘅餐廳會出現咁嘅數字坐咗咁耐我見冷氣機雖然係開住嘅，但根本感覺唔到有冷氣，我坐喺風扇位都熱到飛起，走嗰時見到其他人埋單都係頭髮濕曬，成頸汗
另外廁所係大廈後樓梯一格仔嘅廁所，我無去到餐廳嗰層，因為餐廳個姐姐去緊大，於是我走咗落下層搵廁所
Overall咁多樣嘢，下次想再食吉列牛就唔會搵佢
張貼